九五至尊火鍋狗毛

營業中

休息中

依度裝修好有格調，有酒吧feel, 空間感超大，同朋友傾計食野好適合。 食物種類好多選擇，有打邊爐，串燒同泰國菜。 首先歎左個雞煲先，服務員細心幫我地均勻炒熟雞肉。醬料味濃好惹味，麻麻辣辣，雞肉嫩滑。食完雞煲，加湯打邊爐…麻辣鴨血，鋒巢豆付可以免費任食。本地肥牛牛肉新鮮，份量有夠大，肥瘦均勻，少少油花，食落去有油香兼牛味好重，好有口感。2百幾蚊真係好抵食。海鮮桂花蚌新鮮，味道鮮甜串燒牛舌心燒得岩岩好，不會太乾，好有風味, 口感好爽，濃厚牛舌味，仲好油香好惹味。泰式炸蝦餅即叫即制，熱辣辣，外皮香脆蝦肉鮮甜彈牙，配上甜酸醬，好惹味。洛神花茶，夠晒涷，用料十足煲出黎，味道好濃，甜酸度岩岩好。最好仲送左每人1盅既楊枝金露，一樣出色。食物選擇真係繁多好，用料好新鮮，仲有好其他款式都好想食，加上服務員既服務態度都係超好，價錢又抵食，真係有賓至如歸既感覺。