影片
更多
2023-11-25
34 瀏覽
銅鑼灣新開咗間日式炭火爐烤串燒，裏面環境比較靜，用上吧枱設計，食物廚師即席製作，望住佢哋將食材料理嘅過程，再慢慢燒出嚟，又可以同佢哋傾吓計，成個體驗都唔錯！廚師會就住客人進食速度慢慢燒，確保食物可以即燒即食，保持佢嘅質素，而且又可以傾耐啲計！------------------------------🥓◖炭番SET◗ $528佢晚市有兩個套餐可以揀，分別係$528同$788，今次揀咗平啲嗰個套餐，包咗一個前菜、沙律、小食、主食同七款串燒，仲包一杯嘢飲，性價比都幾高！入面覺得個七味魚翅乾夠乾身有咬口，鹹鹹香香咁，佐酒特別好食；佢嘅雞胸軟骨串🐓同免治雞肉棒都好爽脆，脆卜卜口感不錯；煙肉荔枝卷出面塗咗燒汁，燒完之後邊邊位有啲脆，裏面嘅荔枝多汁清甜，味道好夾！/酒盗芝士（前菜）💕/豆腐野菜沙律 /七味魚翅乾💕/鹽燒雞胸軟骨串💕/鹽燒雞腎/鹽燒雞翼/免治雞肉棒（附蛋）💕/燒牛仔骨/鹽燒青椒仔/煙肉茘枝卷💕/醬油燒飯團/Lemon Sour除咗套餐之外，另外仲散叫咗啲串燒🍢，下面都有啲價錢可以參考返👇，打💕絕對值得一試！尤其佢個冰頭漬，形狀同口感都有啲似海蜇，爽脆帶點膠質，口感幾特別，醋漬過酸酸甜
------------------------------
🥓◖炭番SET◗ $528
佢晚市有兩個套餐可以揀，分別係$528同$788，今次揀咗平啲嗰個套餐，包咗一個前菜、沙律、小食、主食同七款串燒，仲包一杯嘢飲，性價比都幾高！入面覺得個七味魚翅乾夠乾身有咬口，鹹鹹香香咁，佐酒特別好食；佢嘅雞胸軟骨串🐓同免治雞肉棒都好爽脆，脆卜卜口感不錯；煙肉荔枝卷出面塗咗燒汁，燒完之後邊邊位有啲脆，裏面嘅荔枝多汁清甜，味道好夾！
/酒盗芝士（前菜）💕
/豆腐野菜沙律
/七味魚翅乾💕
/鹽燒雞胸軟骨串💕
/鹽燒雞腎
/鹽燒雞翼
/免治雞肉棒（附蛋）💕
/燒牛仔骨
/鹽燒青椒仔
/煙肉茘枝卷💕
/醬油燒飯團
/Lemon Sour
除咗套餐之外，另外仲散叫咗啲串燒🍢，下面都有啲價錢可以參考返👇，打💕絕對值得一試！尤其佢個冰頭漬，形狀同口感都有啲似海蜇，爽脆帶點膠質，口感幾特別，醋漬過酸酸甜，特別開胃；燒一夜干🐟亦做得幾出色，魚皮燒得香脆，連魚鰭部份都脆卜卜食得，肉質鮮甜，好食！
/冰頭漬 $42💕透明三文魚軟骨，好特別
/汁燒雞肝 $38💕雞肝口感粉粉的，塗上燒汁拎去燒，特別香
/煙肉廣島蠔卷 $58💕厚厚嘅煙肉包住大大隻嘅蠔，好juicy鮮甜
/鹽燒銀杏 $42
/燒一夜干(喜知次） $188💕原來係原條燒魚，魚皮燒得香脆，油脂頗多，肉質細嫩
/燒芝士年糕 $42
🌟 Encore指數：8.7/10
張貼
