更多
2023-11-17
361 瀏覽
呢幾日突然變得好凍🥶就諗起BBQ,又或者特別想食下串燒🍢睇住師傅係炭爐面前燒個人都會暖啲🤣係銅鑼灣登龍街就有間樓上日式串燒店炭火地雞,顧名思義主打食雞串燒,另外仲有其他肉類、海鮮、蔬菜、炸物等。見師父成晚keep住用把扇撥行個火🔥每份串燒都係炭香味十足,令人食慾大增😛唔同串燒會搭配最適合嘅調味,調味比較輕手,主要吊起食材原味。而且師傅燒嘅手勢都幾好,呢日叫嘅串燒全部嘅味道同口感都好有水準,想同三五知己抑或大夥兒聚會都可以bookmark呢間🫶🏼🫶🏼雞肝醬多士鬆脆多士塗上甘香雞肝醬😽如果雞肝醬塗厚啲更好。雞翼、雞胸軟骨、雞腿主打食雞串當然有多款雞嘅部位可以食到,雞尾、雞腎、雞肉棒、雞心、雞冠、提燈都有,夠刁鑽😎😎雞翼燒得香口;雞腿肉外皮香脆😋雞肉爽彈啖啖肉好juicy💦;雞胸軟骨唔係普通嘅雞軟骨,脆口軟骨中間連住唔少雞肉,口感幾得意😙😙A4鹽燒和牛三角腩A4和牛油花豐富😍所以食落去非常juicy,肉質好軟嫰,毋須太多調味,配生洋蔥食都ok😋😋炭燒白鱔白鱔肉厚,口感極之彈牙,個皮仲燒到脆口又香口,幾正😚😚明太子燒淮山、田樂燒茄子、粟米蔬菜類都唔錯,惹味嘅明太子同爽脆淮山幾夾😛粟米充滿炭香🔥
雞肝醬多士
鬆脆多士塗上甘香雞肝醬😽如果雞肝醬塗厚啲更好。
雞翼、雞胸軟骨、雞腿
主打食雞串當然有多款雞嘅部位可以食到,雞尾、雞腎、雞肉棒、雞心、雞冠、提燈都有,夠刁鑽😎😎雞翼燒得香口;雞腿肉外皮香脆😋雞肉爽彈啖啖肉好juicy💦;雞胸軟骨唔係普通嘅雞軟骨,脆口軟骨中間連住唔少雞肉,口感幾得意😙😙
A4鹽燒和牛三角腩
A4和牛油花豐富😍所以食落去非常juicy,肉質好軟嫰,毋須太多調味,配生洋蔥食都ok😋😋
炭燒白鱔
白鱔肉厚,口感極之彈牙,個皮仲燒到脆口又香口,幾正😚😚
明太子燒淮山、田樂燒茄子、粟米
蔬菜類都唔錯,惹味嘅明太子同爽脆淮山幾夾😛粟米充滿炭香🔥咬落香甜juicy,仲有啲蜜糖味;茄子就正正常常。
濃香雞湯素麵
入冬時份就想食碗暖笠笠湯麵,大量蛋花加上幼身麵條以及濃郁雞湯,暖胃舒服☺️
焦糖蕃薯配雪糕
本身仲諗住唔食甜嘢,但忍唔住叫咗呢個之後發覺係一定要叫🤪🤪巨型蕃薯原條上超震撼,軟熟香甜嘅蕃薯🍠加上面頭厚厚嘅脆焦糖,係令人滿足嘅味道😋再加上凍冰冰雲尼拿雪糕,冰火交融好過癮😝
菠蘿青檸梳打、熱柚子蜜
人均消費:$450
推介指數(10分為滿分):8分
張貼