影片
更多
2018-05-21
1834 瀏覽
假日同家人一行3人到大埔食lunch，媽想食北京填鴨，但又不想到尖沙咀太多人之地，於是在大埔搜尋一下找到此店有得食，紅日的下午，果然好多人，但唔算好耐，等了15分鐘有位。 店子看起來好細，但原來內堂面積頗大，近門面的位置，是中式的設計，天花板上掛有燈籠及擺放了屏風，大枱較多，比較熱鬧。 餐廳較入的位置，有幾間互通的房子，每間房子約3張小枱，感覺比較寧靜及有個人空間，設計風格有點不同，天花板上掛有吊燈，牆上掛了一些油畫，帶點西式之感。 為北京填鴨而來，必要一試，我們3人食一隻，份量真的好多，但冇半隻叫，同冇二食，只好照要一隻，還要了一些小菜。 有午市套餐﹐都幾優惠。 嘆杯茶，鐵觀音。 雲吞擔擔麵(午餐)，$60。 午市套餐，好大碗份量多，可3人share，湯底稠身，味道濃香，不太辣，但花生醬味不太濃，麵身夠彈牙，雲吞尚算大粒，多肉餡，味道正常水準。 豐都龍爪手(2隻)，午市套餐付送，龍爪手個名，想起星爺....是抄手來的，個醬油不太辣，味道同雲吞差不多，只是細粒呀。 上海小籠包(3隻)，午市優惠價$30，熱騰騰的小籠包，皮唔算好薄，肉餡份量適中，湯汁尚算多，味道正
假日同家人一行3人到大埔食lunch，媽想食北京填鴨，但又不想到尖沙咀太多人之地，於是在大埔搜尋一下找到此店有得食，紅日的下午，果然好多人，但唔算好耐，等了15分鐘有位。
店子看起來好細，但原來內堂面積頗大，近門面的位置，是中式的設計，天花板上掛有燈籠及擺放了屏風，大枱較多，比較熱鬧。
餐廳較入的位置，有幾間互通的房子，每間房子約3張小枱，感覺比較寧靜及有個人空間，設計風格有點不同，天花板上掛有吊燈，牆上掛了一些油畫，帶點西式之感。
為北京填鴨而來，必要一試，我們3人食一隻，份量真的好多，但冇半隻叫，同冇二食，只好照要一隻，還要了一些小菜。
有午市套餐﹐都幾優惠。
嘆杯茶，鐵觀音。
雲吞擔擔麵(午餐)，$60。
午市套餐，好大碗份量多，可3人share，湯底稠身，味道濃香，不太辣，但花生醬味不太濃，麵身夠彈牙，雲吞尚算大粒，多肉餡，味道正常水準。
豐都龍爪手(2隻)，午市套餐付送，龍爪手個名，想起星爺....是抄手來的，個醬油不太辣，味道同雲吞差不多，只是細粒呀。
上海小籠包(3隻)，午市優惠價$30，熱騰騰的小籠包，皮唔算好薄，肉餡份量適中，湯汁尚算多，味道正常。
家鄉蕃薯葉，$80，夠新鮮。
北京填鴨(一隻)，$350。
份量十分豐富，連鴨脾都上埋，鴨肉片得厚身，口感上有點韌，同冇乜鴨肉味，皮口感不夠脆，味道不夠油潤唔太香口，水準一般。
餅皮，好厚身，口感煙韌。
配料有京蔥、青瓜條、山楂條及甜面醬。
餅皮包住以上的材料，或隨喜好了。
其實唔洗包到咁實，我因為影相唔想散出來～餅皮厚，鴨肉厚，食幾轉已有點滯，因鴨子冇乜味，味道一般，這裡用上了山楂條，少許酸消滯呀。太耐冇食北京填鴨，雖然味道一般，但都滿足到想食的意慾，這裡食物味道正常水準，環境坐得幾舒適，加上冇限時，感覺自在，服務態度幾好。
張貼
