影片
更多
4天前
0 瀏覽
自從呢間鋪新開張之後，每次假期經過都會有人排隊，好旺場。記得呢間鋪舊時前身都係一間舊式d既米線鋪，係出名賣豆花米線，但唔知係咪上手唔做，所以變左新鋪班底接手，將舊有米線菜單再改良。兩三年前我食過一次舊鋪既豆花撈米線，個時既感覺普通，無乜深印象，今次黎到試，個感覺又唔同咗，覺得整體味道上又真係值得再食👍🏻招牌魚腐米線 $50今次無叫豆花米線，反而比佢既自家製魚腐吸引咗，因係門口排隊等入座時已見到佢介紹魚腐係用新鮮魚肉自家製既。米線湯底主要都係有兩款，豬骨滑湯同酸辣，辣度亦可以揀由bb辣到大辣。今次我就揀咗豬骨湯小辣，個豬骨湯飲落偏清淡，唔會好濃好喊好重味精咁，飲落幾舒服，辣油就唔係麻辣個隻，無麻味，但辣度都有一定程度，建議唔太食到辣既可以揀bb辣。米線都可以揀軟硬度，夾埋米線內有既腐皮、芽菜、豆腐卜等好豐富，呢到既米線仲會加咗出面少有既豆苗👍🏻魚腐本身個外皮係炸到金黃色，以為會脆，可能擺咗落湯，食落就已經林咗，不過魚腐裡面既魚肉好扎實，真係食得出係真魚用打出黎，有魚肉味，加埋d湯汁好好食😋對面朋友叫咗豬軟骨酸齋，比咗舊酸齋我試，酸齋麵根夠林，煮得個甜酸味好入味，就算淹咗落湯，都唔會無哂味
招牌魚腐米線 $50
今次無叫豆花米線，反而比佢既自家製魚腐吸引咗，因係門口排隊等入座時已見到佢介紹魚腐係用新鮮魚肉自家製既。米線湯底主要都係有兩款，豬骨滑湯同酸辣，辣度亦可以揀由bb辣到大辣。今次我就揀咗豬骨湯小辣，個豬骨湯飲落偏清淡，唔會好濃好喊好重味精咁，飲落幾舒服，辣油就唔係麻辣個隻，無麻味，但辣度都有一定程度，建議唔太食到辣既可以揀bb辣。
米線都可以揀軟硬度，夾埋米線內有既腐皮、芽菜、豆腐卜等好豐富，呢到既米線仲會加咗出面少有既豆苗👍🏻
魚腐本身個外皮係炸到金黃色，以為會脆，可能擺咗落湯，食落就已經林咗，不過魚腐裡面既魚肉好扎實，真係食得出係真魚用打出黎，有魚肉味，加埋d湯汁好好食😋
對面朋友叫咗豬軟骨酸齋，比咗舊酸齋我試，酸齋麵根夠林，煮得個甜酸味好入味，就算淹咗落湯，都唔會無哂味，下次再黎食我都要加舊酸齋先！
張貼
