隨心 (已搬遷) 新店位置

東南亞美食我最愛既係喇沙麵，其實有啲慕名而來，可惜太失望啦。用米線配搭米粉，怪怪的，個湯底無鮮味，小小嘅蝦味道都無，得椰香味道，而且好油，連即食喇沙麵既湯底都比依到既好食。其他海鮮配料都好差，魚片無味，元貝雖然好大粒，口感似係擦子膠，蟹樓最正常。最後兄食咗三份一。我曾經喺星加坡食過地道嘅喇沙面，呢度嘅係咪正宗我唔知道，但係肯定可以講絕對唔係一碗喇沙麵。午餐無肉骨茶選擇，只好散叫再加一個白飯，個肉骨茶香味好夠，飲到有藥材味，但係🐯話豬骨肉都係冇味道。中午時間的確有好多人，但係我哋啱啱嚟到嘅時候未到高峰期，餐廳入邊仲有好多空位，但係個侍應姐姐好不滿我哋兩個人坐四人枱，其實我哋唔介意搭枱，可唔可以禮貌少少同我地講。