影片
更多
2019-06-21
43 瀏覽
又來譽發廣場搵食，其實早幾日陪朋友去一樓食壽司、刺身的時候，就已經留意到大廈入面有間叫「橫浜水產磯燒+遛 Local Bar@Grill & Hot Pot」嘅食肆。瀏覽過餐廳網頁，原來店子以無煙板燒+火鍋雙放題為賣點，想起已經很久沒和小鬼去吃燒肉，加上這裡仲要有埋火鍋，可以二合一，所以就立刻訂了檯，趁小鬼考試前來吃頓打氣晚餐。 餐廳位於油麻地彌敦道 558-560 號譽發廣場 8 樓，店面地方不大，但環境開揚不侷促，加上有落地大玻璃，整體感覺舒服！另外店內亦設有多間廂房，私隱度甚高，適合一大班朋友來聚餐，不會受到打擾。先細看餐牌，晚市放題有幾款唔同組合可供選擇，定價由最平 $198- $468 不等。小鬼向來精打細算，所以今次就揀咗個最經濟嘅「嚴選美國牛肩肉放題+刺身套餐」 ($198)，放題限時為 2 個鐘。點完套餐就輪到揀湯底，湯底共有 8 款可供選，包括橫浜昆布湯、番茄濃湯、三文魚味噌湯、日式沙嗲湯、辛辣味泡菜湯、360 牛乳海鮮湯、壽喜燒同我哋揀嘅日式豬骨湯。趁湯底未滾，先外出「混醬」，醬料共有 10 款，有辣椒油、日本芥辣、日式燒肉汁、辣椒粒、麻醬、沙茶醬、炸蒜、蔥粒、沙
又來譽發廣場搵食，其實早幾日陪朋友去一樓食壽司、刺身的時候，就已經留意到大廈入面有間叫「橫浜水產磯燒+遛 Local Bar@Grill & Hot Pot」嘅食肆。瀏覽過餐廳網頁，原來店子以無煙板燒+火鍋雙放題為賣點，想起已經很久沒和小鬼去吃燒肉，加上這裡仲要有埋火鍋，可以二合一，所以就立刻訂了檯，趁小鬼考試前來吃頓打氣晚餐。 
餐廳位於油麻地彌敦道 558-560 號譽發廣場 8 樓，店面地方不大，但環境開揚不侷促，加上有落地大玻璃，整體感覺舒服！另外店內亦設有多間廂房，私隱度甚高，適合一大班朋友來聚餐，不會受到打擾。
先細看餐牌，晚市放題有幾款唔同組合可供選擇，定價由最平 $198- $468 不等。小鬼向來精打細算，所以今次就揀咗個最經濟嘅「嚴選美國牛肩肉放題+刺身套餐」 ($198)，放題限時為 2 個鐘。
點完套餐就輪到揀湯底，湯底共有 8 款可供選，包括橫浜昆布湯、番茄濃湯、三文魚味噌湯、日式沙嗲湯、辛辣味泡菜湯、360 牛乳海鮮湯、壽喜燒同我哋揀嘅日式豬骨湯。
趁湯底未滾，先外出「混醬」，醬料共有 10 款，有辣椒油、日本芥辣、日式燒肉汁、辣椒粒、麻醬、沙茶醬、炸蒜、蔥粒、沙律醬等，喜愛邊款，大可自由組合。
好，馬上開餐。先吃刺身，這晚嘅刺身有三文魚、帶子、甜蝦同北寄貝，當中最喜歡是肥美的三文魚，色澤亮麗，油脂分佈平均，肉質油潤，鮮味十足。另外帶子和甜蝦，味道亦不俗，帶子雖然不算很厚身，但肉質富彈性、甘甜不腥；而甜蝦食落亦帶粘粘的口感，清甜味美。
接著輪到吃是晚的幾款主角嚴選美國牛肩肉、穀飼黑豚肉同精選雞腿肉。牛肩肉上桌時已切成薄片，色澤紅潤，輕輕涮幾秒即可享用，質地相當鮮嫩，有牛味又夠肉汁。另外穀飼黑豚肉同精選雞腿肉亦絕不遜色，新鮮味美，同樣無限供應。當然亦可以將幾款肉用來燒烤，個人最推介牛肩肉，燒至七分熟味道最佳，肉味很濃，沾燒肉汁吃，非常夾配。
至於其餘嘅火鍋生料，就要自行去自助吧拿取。生料以瓜菜為主，有生菜、油墨菜、蓮藕、翠肉瓜….，另外亦有菇菌類、丸類、麵食、紅薯粉、生根等等。整體來說，各生料選材甚具質素，賣相食味俱佳。
除了火鍋料外，其實放題還有不少小食和前菜供應，如煎餃子、壽司卷物、紫心香芋丸、涼拌木耳、泰式鳳爪、中華沙律、味付螺肉等，全部都可以自行拿取，無限量供應。
晚市放題包任飲，而選擇方面就有紅茶、綠茶系列、乳酸系列、花茶系列、沙冰系列及奶昔系列。飲品全部都大大杯，而且非常冰凍，用嚟解渴一流。
店員服務非常好，既有禮貌又有笑容，清楚解釋收費，頻頻主動加湯，而且還會指導烚肉的時間，火鍋放題店少見。
張貼
