影片
更多
2023-03-17
1334 瀏覽
💁♀️💁♂️ 27/2/2023(Mon), Dinner🍽為食妙妙👱♀️同A先生👱♂️兩個人繼續喺大埔超級城睇電器同安排裝修事宜，睇到都咁上下又係時候晚飯啦。為食妙妙忽然想食填鴨🦆，好在我地諗到一田樓上既家傳滬曉應該有得食，所以就去咗開餐啦😋。而今晚我地order咗：🔆 捲蔥填鴨孖寶（捲蔥填鴨🦆拼黃金大蝦🦐🦐🦐🦐4隻（$460）🔆 捲蔥填鴨🦆填鴨唔係太大隻，片出嚟有兩碟皮加肉。另外再跟埋兩籠餅皮、京蔥絲、青瓜條、山楂條同埋甜麵醬。填鴨上枱時熱焫焫，勝在唔算太肥、皮下面既肥膏唔多，填鴨既皮食落酥化唔油膩，唔會話片出嚟既好似燒鴨皮咁樣。皮連埋肉既部份都算得上肉嫩，唔會乾爭爭或者食到有渣。配合餅皮等配料一齊食，因為店家有提供生楂條，酸酸地咁開胃又消滯，食多幾件都唔怕。最後，為食妙妙👱♀️同A先生👱♂️兩個人當然食唔晒全隻填鴨，我地打包返屋企第二日再整返熱食都味道不錯。🔆 黃金大蝦🦐🦐🦐🦐四隻大蝦炸得香脆，可以連埋殼食，蝦肉都新鮮彈牙。黃金即係鹹蛋黃份量都唔少，入口鹹香油潤。不過始終都係邪惡既食物，少食多滋味，每人兩隻都好足夠😆😆😆。🔆🔆🔆🔆🔆🔆🔆🔆🔆🔆🔆🔆🔆❤🙆♂️(A先生)整體食評：❤❤
💁♀️💁♂️ 27/2/2023(Mon), Dinner🍽
為食妙妙👱♀️同A先生👱♂️兩個人繼續喺大埔超級城睇電器同安排裝修事宜，睇到都咁上下又係時候晚飯啦。為食妙妙忽然想食填鴨🦆，好在我地諗到一田樓上既家傳滬曉應該有得食，所以就去咗開餐啦😋。
而今晚我地order咗：
🔆 捲蔥填鴨孖寶（捲蔥填鴨🦆拼黃金大蝦🦐🦐🦐🦐4隻（$460）
🔆 捲蔥填鴨🦆
填鴨唔係太大隻，片出嚟有兩碟皮加肉。另外再跟埋兩籠餅皮、京蔥絲、青瓜條、山楂條同埋甜麵醬。
填鴨上枱時熱焫焫，勝在唔算太肥、皮下面既肥膏唔多，填鴨既皮食落酥化唔油膩，唔會話片出嚟既好似燒鴨皮咁樣。皮連埋肉既部份都算得上肉嫩，唔會乾爭爭或者食到有渣。配合餅皮等配料一齊食，因為店家有提供生楂條，酸酸地咁開胃又消滯，食多幾件都唔怕。
最後，為食妙妙👱♀️同A先生👱♂️兩個人當然食唔晒全隻填鴨，我地打包返屋企第二日再整返熱食都味道不錯。
🔆 黃金大蝦🦐🦐🦐🦐
四隻大蝦炸得香脆，可以連埋殼食，蝦肉都新鮮彈牙。黃金即係鹹蛋黃份量都唔少，入口鹹香油潤。不過始終都係邪惡既食物，少食多滋味，每人兩隻都好足夠😆😆😆。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤💔(3.5/5)
❤🙆♀️(為食妙妙)整體食評：❤❤❤❤(4/5)
👉🏻 服務方面希望店家可以多派人留意一下門口，我地都企咗好一陣先有侍應安排入座
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 平日既大埔中心揸車🚗都好方便，大埔超級城有多個停車場🅿️，泊位不成問題。唯一要留意想享受商場泊車優惠既話，只有戲院樓上既多層停車場先有；超級城其他停車場只得一小時免費，並唔能夠享受商場既消費泊車優惠。
👉🏻 紅日、假期既話，大埔中心經常塞車，多層停車場🅿️極大機會要轉到上10樓以上先有位，搵位泊車同等𨋢都用上唔少時間。
🔆🔆🔆🔆🔆🔆🔆🔆🔆🔆🔆🔆🔆
張貼
