大少燒味茶餐廳

營業中

休息中

前排經過呢間餐廳順便買外賣返去食。燒味單拼粉麵飯，有叉燒、燒肉、燒排骨、燒鴨、貴妃雞、玫瑰豉油雞或乳豬。叉燒肥瘦均勻，肉味突出、乳豬酥香嫩滑，無論係配飯同麵都夾。下午茶有小食供應。炸雞翼、炸雞脾、吉列豬扒，全部炸至酥脆可口，乾身唔油膩，配上沙律，十分開胃。大少潛艇夾住半肥瘦叉燒，包皮鬆軟，令人一試難忘。另外有法蘭西多士，邪惡之選，金黃色，醬汁夠多。雙拼三文治可以要火腿/炒蛋/ 鹹牛肉 /午餐肉/芝士、包皮鬆軟，鹹香口味，good。