Chachawan (荷李活道)

營業中

休息中

Lee 間泰菜食過五次以上，鍾意呢度casual、價錢唔貴，同埋有心做好簡單食材。鍾意坐得舒服、食裝修嘅朋友，呢度未必啱你。自己食working lunch 又或者帶朋友嚟食晚飯，一定叫兩樣嘢：竹夾燒雞塊，鹹椰汁湯圓。個燒雞午飯嚟食可以跟糯米、或者白飯，多汁夠味炭燒燶邊😋簡簡單單一件雞可以做到咁，加埋個酸辣汁，送飯一流。不過呢兩年我生酮飲食，所以今餐冇送飯。另外個咸椰汁湯圓個主角一定係個汁，唔係啲湯圓（可惜我冇影相），建議有兩個人以上先好叫，個湯圓驚你食唔晒。另外叫咗未試過嘅crab meat omelette. 冇想像中咁油膩，佢俾埋sriracha ，如果唔點嗰醬真係有啲唔夠味，不過豐盛咁滿滿。仲有叫咗個柚子蝦沙律，料頭好夠（生shallots, herbs, 蒜），偏甜但開胃👍 成餐飯最弊就係個泰式檸茶，個茶底好淡，希望唔係因為我叫走甜嘅關係🤔今日係平日夜晚嚟食，全間爆曬，好在有book 位。