雞老闆

營業中

休息中

上星期天氣涼，放工去左旺角呢間🌟雞老闆🌟打個邊爐暖暖身子。我地叫左二人餐，揀左秋冬滋補雞煲，二人套餐有清遠走地雞半隻、2件鮑魚、4件大蝦、時蔬拼盤同雜丸拼盤.一入門口就見到有個大雪櫃裡面裝哂全部椰青，原來餐廳除左出名做雞之外，仲出名整椰子雞，真係用足全椰皇椰青水來做湯底! 我地今次既秋冬滋補雞煲湯底除左有椰青水外，仲有紅棗、杞子、柱圓等等的藥膳配料，所以味道濃郁，又香又滋補! .首先店員會分開上一碟雞骨及一碟無骨雞肉，然後吩咐我地先將整碟雞骨放入湯內熬煮，呢度可以話係店主有誠意之位，以雞骨先熬出雞味，及後先淥雞肉，所以個湯底會係愈打得耐，個味愈濃。而另外一碟無骨雞肉係切得好幼好細條，所以淥15秒就得而且保持到好爽，唔油膩。.餐廳主張將雞肉淥 15 秒即可食用，試左真係食得，好爽嫩!! 餐廳老闆原來由細就開始養雞，現在係清遠有經營雞場，店內主要供應既兩款雞都係飼養時間較長的品種，分別係極品桂花雞（至少 150 日）同清遠大扇雞（至少 280 日），由於不打激素，所以肉質較為結實彈牙.鮑魚同大蝦都大大件，爽甜，大蝦多膏，雜丸拼盤就有5粒，有墨魚丸、蟹籽丸及貢丸等等，大粒且彈牙! 我地仲另外