YakiniKuu Japanese Bbq (已搬遷) 新店位置

四個女仔去試新野。個位置都幾難搵，係九記牛腩隔離條樓梯下面既左手邊。Order左4個$550既套餐，差唔多每個部位一塊既牛肉，自己落手去燒！個爐吸油氣幾efficient,身上無油煙味。牛肉肥瘦分佈好均勻，係高質素既肉。有一塊係薄切長身既，燒十秒就食得，包住一啖日本珍珠米，太幸福了☺️☺️☺️每一道肉和沙律一碟一碟上，有些許似食法國餐既節奏。 最後仲有烏冬一客和甜品，飽到有點不能動彈。最後埋單位位$750，因為我地仲嗌左梅酒😍雖然燒爐上面有條抽氣管阻住我地四個面對面傾計，但係我地四個一致覺得值得番黎！今次被安排左坐係最篤篤既位，每次叫野食加水都無人行過， 人手又唔夠。