影片
更多
2021-09-28
422 瀏覽
因為工作需要去左將軍澳中心，見到老媽拌麵，上次係北角匯食過一次覺得都幾好味，就想再去食一次。最重要係點零鐘都好多空位，咁就入左去啦。 坐底叫左個川味紅燒三寶牛肉麵（牛肚、牛筋、牛腱）同洛神花茶。店鋪裝修空間感幾好，侍應姐姐都幾好睇🤣 而且佢地仲好貼心咁問需唔需要加底，係免費嘅。因為上次食拌麵個份量都真係好似細左啲，於是就加底啦。 大約5分鐘左右，個麵就到啦。點都好，飲啖湯先啦！湯底略咸，微辣，而且香料味就唔多。我就覺得麻麻地。牛肚好食，爽口冇怪味。牛筋炆得好入味，軟滑。基本上做到呢兩點已經好好！牛腱就有啲失望啦，筋位有咬口，但唔入味。唔太合我口味。而麵基本上都唔會點衰架啦，煮得剛剛好，好食！ 杯野飲呢就等耐左，差不多半小時後先到。洛神花茶酸酸地好開胃，唔會太淡太水，不過甜左啲，飲完仲口渴。同我預期中，涼茶一啲的感覺唔同。 總結，出品可以，不過略貴，全餐食左$110
坐底叫左個川味紅燒三寶牛肉麵（牛肚、牛筋、牛腱）同洛神花茶。店鋪裝修空間感幾好，侍應姐姐都幾好睇🤣 而且佢地仲好貼心咁問需唔需要加底，係免費嘅。因為上次食拌麵個份量都真係好似細左啲，於是就加底啦。
大約5分鐘左右，個麵就到啦。點都好，飲啖湯先啦！湯底略咸，微辣，而且香料味就唔多。我就覺得麻麻地。牛肚好食，爽口冇怪味。牛筋炆得好入味，軟滑。基本上做到呢兩點已經好好！牛腱就有啲失望啦，筋位有咬口，但唔入味。唔太合我口味。而麵基本上都唔會點衰架啦，煮得剛剛好，好食！
杯野飲呢就等耐左，差不多半小時後先到。
洛神花茶酸酸地好開胃，唔會太淡太水，不過甜左啲，飲完仲口渴。同我預期中，涼茶一啲的感覺唔同。
總結，出品可以，不過略貴，全餐食左$110
川味紅燒三寶牛肉麵
30 瀏覽
0 讚好
0 留言
張貼
