森戶 (官塘立成大廈) (已結業)

香港工業區臥虎藏龍，近年唔少餐廳因租金考慮選址於呢啲地段，牛頭角亦唔例外！午飯時段經過發現一間新開嘅日式平價omakase，價錢由300至600幾蚊不等。中午時段唔想食廚師發板咁heavy，所以單點算數。午市套餐奉送茶碗蒸同埋麵豉湯。茶碗蒸幾出色。大大舊雞肉蟹柳好足料，加埋芫荽白果有創意，味道又出奇地幾夾！調味得宜，火候控制得啱啱好，滑嫩無比。安格斯牛扒飯 $168油花唔算多，肉質緊致有嚼勁，牛味幾濃！厚薄適中，燒汁稍鹹適合送飯。旁邊嘅粟米芯同埋秋葵屬串燒質素，好過一般伴碟，讚！壽司拼盤$18810件壽司包括：拖羅、三文魚、油金魚、帶子、金線鯛、池魚、白身魚、甜蝦、三文魚子、蔥吞拿魚腩。壽司質素中規中矩，食得過！最欣賞金線鯛，「魚如其名」魚皮上面嘅黃色花紋好吸引，肉質緊實，炙燒更添甘香。三文魚子軍艦都唔錯，粒粒晶凝通透，鹹香唔腥。黑豚五花腩 $68 & 鹽燒牛舌 $78日本菜點少得即叫即燒嘅串燒！五花腩幾鬆化，脂肪一層疊一層、油香充盈。牛舌無腥臊味，厚切得黎爽口唔韌。廚師調味比較重手，重口味嘅朋友應該會好喜歡，適合重口味嘅朋友會喜歡，適合佐酒。