影片
更多
2020-10-21
383 瀏覽
四圍去影吓相嘅好處，就係不時會搵到特色美食同試業新店無得去旅行，又掛住台灣，唯有食吓台灣菜先喺屯門發現一間目前仍然試業中嘅台式餐廳，牛肉麵湯底令人印象深刻以木玥巷命名嘅台式餐廳，貌似一間日式Cafe，但揭開餐牌竟然係台灣菜！餐廳主打台灣小食同經典菜式，亦有創意特飲價錢同份量都合理，午市套餐介乎$48至$72，屬一般Cafe價錢台灣菜當中，紅燒牛肉麵 $58都算係經典菜式價錢唔貴，份量屬正常水平平時紅燒牛肉麵嘅湯頭都係刻意調校得好濃兼微辣，部份香港人煮嘅牛肉麵食完會口渴今次湯頭唔算好濃，但都偏向深啡色，但有燉煮出嚟嘅牛味而軟身嘅紅蘿蔔同無渣嘅白蘿蔔嘅微微鮮甜味可以滲透湯頭內有些微回甘味，唔搶味，牛肉湯底飲得出並非一般港店炮製嘅質素好奇心驅使下問問店員，得知牛肉麵係由前半島酒店大廚炮製並以大量牛骨熬煮湯頭，難怪係有啲與別不同感覺牛肉麵材料包含牛腩、牛肋條、牛腱肉質軟腍，有肉香同少量軟筋位，大舊有厚度剛剛有微黏感而唔會黐牙，有啲膠質咁，容易入口旁邊另配有炸蒜、酸菜伴碟，可加可唔加，加咗無太大分別，只係添加少少層次至於麵條質感相對無太大驚喜，偏幼身，都有微微煙韌彈牙感，質感較軟身，可掛湯另一樣
四圍去影吓相嘅好處，就係不時會搵到特色美食同試業新店
無得去旅行，又掛住台灣，唯有食吓台灣菜先
喺屯門發現一間目前仍然試業中嘅台式餐廳，牛肉麵湯底令人印象深刻
以木玥巷命名嘅台式餐廳，貌似一間日式Cafe，但揭開餐牌竟然係台灣菜！
餐廳主打台灣小食同經典菜式，亦有創意特飲
價錢同份量都合理，午市套餐介乎$48至$72，屬一般Cafe價錢
台灣菜當中，紅燒牛肉麵 $58都算係經典菜式
價錢唔貴，份量屬正常水平
平時紅燒牛肉麵嘅湯頭都係刻意調校得好濃兼微辣，部份香港人煮嘅牛肉麵食完會口渴
今次湯頭唔算好濃，但都偏向深啡色，但有燉煮出嚟嘅牛味
而軟身嘅紅蘿蔔同無渣嘅白蘿蔔嘅微微鮮甜味可以滲透湯頭內
有些微回甘味，唔搶味，牛肉湯底飲得出並非一般港店炮製嘅質素
好奇心驅使下問問店員，得知牛肉麵係由前半島酒店大廚炮製
並以大量牛骨熬煮湯頭，難怪係有啲與別不同感覺
紅燒牛肉麵
$58
36 瀏覽
0 讚好
0 留言
牛肉麵材料包含牛腩、牛肋條、牛腱
肉質軟腍，有肉香同少量軟筋位，大舊有厚度
剛剛有微黏感而唔會黐牙，有啲膠質咁，容易入口
旁邊另配有炸蒜、酸菜伴碟，可加可唔加，加咗無太大分別，只係添加少少層次
至於麵條質感相對無太大驚喜，偏幼身，都有微微煙韌彈牙感，質感較軟身，可掛湯
$58
8 瀏覽
0 讚好
0 留言
另一樣寫明推介嘅係黯然銷魂安格斯滷肉飯 $62
翻查資料，官方稱為滷肉蓋飯，聲稱同其他地方唔同嘅係因為唔用豬肉
改用安格斯牛肉，飯底係安格斯滷肉飯
碗飯賣相不俗，頂頭完整一塊煎蛋，旁邊係滷肉同兩舊似軟骨嘅肉
將半生熟嘅煎蛋蛋漿同飯粒融合，蛋香味就會同滷肉香混合
牛肉唔肥，比較乾爽，有牛香，肉味濃，但無咩油膩感，呢點係幾有驚喜
黯然銷魂安格斯滷肉飯
$62
58 瀏覽
0 讚好
0 留言
旁邊有鹹菜，既開胃又解膩，配搭上唔錯
兩舊軟骨嘅肉略帶黏稠感，入口鹹中帶甜，有膠質感，黏附唔少滷汁，入口嫩滑
44 瀏覽
0 讚好
0 留言
小食當中，本來想試試五目魚餅 $42
店員話係一塊有醬汁嘅煎魚餅，不過我哋最後都係揀返鹽酥雞 $42
同台灣酥炸嘅鹽酥雞差唔多，炸粉有少少偏厚，但炸得金黃酥脆
有酥香感，唔算太乾，雞肉唔嚡口，但整體唔算太突出
旁邊有少少椰菜沙律，配搭鹽酥雞無咁肥膩
反而配搭特製醬汁就幾特別，感覺似黑醋，酸酸甜甜，蘸咗無咁膩，幾開胃
鹽酥雞
$42
17 瀏覽
0 讚好
0 留言
$42
14 瀏覽
0 讚好
0 留言
一般咖啡或茶就係套餐包埋，特飲就可以半價
木玥黃金水果茶（菠蘿）$42，半價$21，而玫瑰蜜桃果茶$36，半價$18
水果茶的確好抵飲，尤其係水果茶，金黃色為主調，採用酒杯式盛載，比茶飲更大杯
內含鮮菠蘿片、西瓜、青檸、西柚、梨、熱情果、百香果等，入口酸甜，好Fresh
高身匙羹可以逐舊水果吉住嚟食，夠酸爽
水果茶嘅茶底唔算濃味，只係清清哋，果香比茶味重
好順口，無咩澀味，冰量幾多
另一杯果茶係熱飲，啖啖玫瑰花香配搭蜜桃香甜味
雖然係罐頭蜜桃，但桃嘅份量幾多，茶底亦清香甘甜
木玥黃金水果茶（菠蘿）
$21
13 瀏覽
0 讚好
0 留言
$21
9 瀏覽
0 讚好
0 留言
張貼
