集眾菜館

營業中

休息中

今晚好開心，試到一間好好味嘅小菜館，雖然得兩個人叫唔到好多嘢食，但係叫咗兩個餸，兩個餸都做得好出色，攞滿分。其實兩個餸都係睇openrice見啲人推介所以叫嘅，果然無伏。第一個就係呢間小菜館嘅人氣小炒，拔絲菠蘿咕嚕肉，第一眼睇過價錢都真係覺得有啲貴，不過食咗之後就覺得物超所值，出面好難食得到啦呢種質素嘅咕嚕肉，外脆內軟嘅口感冇得彈。第二個餸係白胡椒煎魚卜，咁啱得咁橋又係外脆內軟，白胡椒好香，食嘅時候仲間中會咬到啲白胡椒粒令人覺得好興奮。