影片
更多
3天前
0 瀏覽
呢間特色的龍蝦中菜館在中上環，交通非常方便，好近上環地鐵站，行2分鐘已經到！招牌已經好靚，側邊睇可以影到好多個字出嚟👍🏻環境都好舒服，枱凳都係黑色設計，白色餐具，而側邊亦有龍嘅畫擺設！餐牌分為ABCD餐，菜式都好特別，亦都好有創意，差唔多每一道菜都會加入龍蝦食材！宮廷酒爵暖胃湯 ：木瓜甘筍湯，木瓜甘筍打溶，好creamy好幼滑，做"頭啖湯" 着實不錯龍味點心拼盤：有創意又吸睛，有三款點心，龍蝦蝦餃，啖啖龍蝦肉，又彈牙，蝦餃皮不會太薄，亦不會太厚，啱啱好！蝦餃嘅邊位亦有少少金箔蟹籽鮮蝦燒賣，都好大粒，隻蝦好新鮮彈牙，豬肉肥瘦均勻，上面亦有蟹籽舖面卡邦尼小甘筍，呢個有少少似係fusion菜式，好有創意，外形真係勁似甘筍😂皮係炸咗嘅糯米皮，好酥脆，餡料係用咗芝士混合火腿整成，有啲似鹹水角，但係啲餡料變咗西式。呢個幾特別，有啲驚喜。脆米波士頓龍蝦湯鮑魚海蝦帶子泡飯：齋聽個名就知唔簡單。食之前灑上脆米，風味更佳。鮑魚好煙韌爽彈，帶子、蝦及龍蝦都好新鮮，好欣賞個湯，好鮮甜，真係飲唔停口，加上脆米一齊食，口感一流。甜品係紅粉玉露：用咗蕃石榴溶，好綿滑，仲食到粒粒石榴肉同埋西米，爆珠，增加口感。感覺唔
呢間特色的龍蝦中菜館在中上環，交通非常方便，好近上環地鐵站，行2分鐘已經到！招牌已經好靚，側邊睇可以影到好多個字出嚟👍🏻環境都好舒服，枱凳都係黑色設計，白色餐具，而側邊亦有龍嘅畫擺設！
餐牌分為ABCD餐，菜式都好特別，亦都好有創意，差唔多每一道菜都會加入龍蝦食材！
宮廷酒爵暖胃湯 ：木瓜甘筍湯，木瓜甘筍打溶，好creamy好幼滑，做"頭啖湯" 着實不錯
龍味點心拼盤：有創意又吸睛，有三款點心，龍蝦蝦餃，啖啖龍蝦肉，又彈牙，蝦餃皮不會太薄，亦不會太厚，啱啱好！蝦餃嘅邊位亦有少少金箔
蟹籽鮮蝦燒賣，都好大粒，隻蝦好新鮮彈牙，豬肉肥瘦均勻，上面亦有蟹籽舖面
卡邦尼小甘筍，呢個有少少似係fusion菜式，好有創意，外形真係勁似甘筍😂皮係炸咗嘅糯米皮，好酥脆，餡料係用咗芝士混合火腿整成，有啲似鹹水角，但係啲餡料變咗西式。呢個幾特別，有啲驚喜。
脆米波士頓龍蝦湯鮑魚海蝦帶子泡飯：齋聽個名就知唔簡單。食之前灑上脆米，風味更佳。鮑魚好煙韌爽彈，帶子、蝦及龍蝦都好新鮮，好欣賞個湯，好鮮甜，真係飲唔停口，加上脆米一齊食，口感一流。
甜品係紅粉玉露：用咗蕃石榴溶，好綿滑，仲食到粒粒石榴肉同埋西米，爆珠，增加口感。感覺唔係好甜，好清新。
張貼
