Lobster Une

營業中

休息中

趁住假期，帶住仔女去西貢行吓，行吓海旁，行吓公園同佢哋放下電！行行吓又到晚餐時間，經過呢間新餐廳，門口裝修都幾靚，一於入去試吓。店舖裝修得好有格調，有吧枱或普通座位，坐近門口可以望埋街景，都幾寫意。薰衣草烤春雞烤雞醃得好入味，外層雞皮香脆，內層肉汁重鎖住，肉質滑嫩。配埋薰衣草調味，既香又特別，美味之選！酥皮焗田螺個酥皮好脆，好重牛油味，田螺彈牙爽口，上面仲有好香嘅蒜蓉牛油汁，兩者配合，簡直係絕配！伯爵茶蘋果木煙燻BB 鴿BB鴿上枱嘅時候係用玻璃罩罩住，店員打入煙燻，一陣之後，打開玻璃罩，聞到好香嘅蘋果木味。BB 鴿皮脆肉嫩，肉質有伯爵茶香，絕對係誠意之作。