魚事者 (威德閣)

營業中

休息中

#搞串個pantry講到 #魚麵 🐟大家通常會喺邊度食呢？呢款嘢食平時好冷門咁🙈，最多係打邊爐嘅時候🥘會將魚漿唧落去滾湯裏面♨️，變成魚麵。我哋今次嚟到一間位於 #炮台山 、主打魚料理🎣嘅小店。佢嘅最大特色係連 #粉面 🍜，或者薯條🍟都係用魚製成。舖頭裏面見到佢貼咗2023年米芝蓮🏆嘅貼紙。我哋嗌咗🔴黃金魚餅、雞扒爽彈魚麵，同埋🔵墨魚春卷、鴨件爽彈魚麵。黃金魚餅、雞扒爽彈魚麵🌟🌟🌟魚麵質地新奇😆，介乎喺普通麵嘅煙韌🍜，同埋蒟蒻麵🪼嘅啫喱感中間，如果魚味再濃郁啲會更加正🎏。魚湯亦都有魚嘅清甜味😋，不過感覺有啲稀。黃金魚餅👑係好得意嘅魚形🐟，裏面魚味同埋彈牙感都幾好🥳。雞扒🐔算係味道正常，亦都唔會太韌。墨魚春卷、鴨件爽彈魚麵🌟🌟🌟麵質同湯底🍲，我哋揀咗同上一碗一樣。而墨魚春卷🦑有啲似台式嘅甜不辣🇹🇼，不過裏面口感正啲🥳，而且墨魚味都唔錯。鴨件就有啲鞋🦆，鴨味正常，一般般啦🤨。