影片
更多
2024-05-31
31 瀏覽
好鍾意中環日☀️與夜🌙嗰種好唔同嘅感覺，日頭係打工仔天堂，夜晚搖身一變變成Chill下飲返一杯嘅好地方～呢區餐廳菜式選擇都好多，講得出嘅菜式都有，今次初嘗黎巴嫩菜，不得不提佢個環境，用上充滿異國風情嘅布、梳化、仲有啲神燈，好似入咗阿丁世🪔界咁，而且幾好feel，幾適合約朋友嚟吹水或者慶祝！🥂------------------------------🥙◖Mix Cold Mezze◗ $195食中東菜點少得佢哋嘅Hummus，呢間餐廳有好多唔同hummus揀，呢個可以一次試晒三款招牌，有鷹嘴豆蓉、煙燻茄子蓉、紅菜頭沙律，仲會配上八小片彼得包，可以夾住啲醬一齊食！個人覺得煙燻茄子蓉最有特色，食落去一絲絲嘅口感，加上濃郁嘅煙燻香氣，再配上暖笠笠嘅彼得包，超幸福！🫘◖Falafel◗ $118炸鷹嘴豆蔬菜餅外層沾上芝麻，食落特別酥脆，裏面質感頗濕潤綿密，加上乳酪醬，整體香口又冇油膩感！🍖◖Shahrazad Mix Grill Meat◗ $498叫咗細嘅烤肉拼盤，可以一次過試晒佢哋嘅羊牛雞，份量夠曬兩個人食！用一個神燈咁嘅容器裝住上枱，啲肉堆到成座小山丘咁，影相打卡都好靚！佢個羊架最有
------------------------------
🥙◖Mix Cold Mezze◗ $195
食中東菜點少得佢哋嘅Hummus，呢間餐廳有好多唔同hummus揀，呢個可以一次試晒三款招牌，有鷹嘴豆蓉、煙燻茄子蓉、紅菜頭沙律，仲會配上八小片彼得包，可以夾住啲醬一齊食！個人覺得煙燻茄子蓉最有特色，食落去一絲絲嘅口感，加上濃郁嘅煙燻香氣，再配上暖笠笠嘅彼得包，超幸福！
🫘◖Falafel◗ $118
炸鷹嘴豆蔬菜餅外層沾上芝麻，食落特別酥脆，裏面質感頗濕潤綿密，加上乳酪醬，整體香口又冇油膩感！
🍖◖Shahrazad Mix Grill Meat◗ $498
叫咗細嘅烤肉拼盤，可以一次過試晒佢哋嘅羊牛雞，份量夠曬兩個人食！用一個神燈咁嘅容器裝住上枱，啲肉堆到成座小山丘咁，影相打卡都好靚！佢個羊架最有驚喜，羊羶味恰到好處，肉質軟腍多汁，正！
🍊◖Orange Juice◗ $40
🥤◖Coke Zero◗ $40
🌟 Encore指數：9/10
張貼
