餃燃串 (已搬遷) 新店位置

呢個套餐好豐富，又有餃子又有串燒，食落唔單止野味，仲好吸晴。🌹玫瑰園套餐本店signature 玫瑰餃子，外觀好吸引有兩朵玫瑰花，而且五顏六色的。餃子是煎餃，因而好香脆。餡料係豬肉加粟米，肉都是彈牙的，味道不俗。🐣明太子雞翼及雞中翼全部都係燒雞翼，明太子雞翼內釀左啲明太子，雞中翼就係辣嘅。雞翼整體都燒到好彈好多肉汁，好野味。🍢翠肉瓜、豬頸肉、五花腩、免治雞肉串、菠蘿五花腩串燒翠肉瓜都燒得很多汁；豬頸肉彈牙；五花腩油香肉爽；免治雞肉串質地似麥樂雞；菠蘿五花腩串啲菠蘿汁中和左啲肉既油膩感，整體好香口好味。🦪蒜蓉燒蠔、蒜蓉燒扇貝上餐桌時滋滋作響，扇貝十分鮮味，蒜蓉味齒頰留香。蠔我就未有品嚐，因而未能評價。🍆茄子呢個茄子燒得好高質，佢既蒜味好濃烈同茄子味都超級多汁，食下食下會食哂成條。🥤白桃梳打有香香既白桃味帶有少少甜，食串燒要飲一飲先可以解渴。