Mano (The L. Square)

放工接完老公放工之後 去銅鑼灣拍拖食晚餐 呢一間意大利餐廳人氣好高 成日滿座 今日難得拍拖嚟食飯 先訂好位 呢度鋪面唔算大 位置唔多 所以一般都好full 呢度係食現代意大利菜 裝修都好現代化 黃色嘅燈光好柔和 令人好舒服 座位都好舒服 呢度雖然感覺有啲迫 但係服務都好週到 坐得都幾舒服 menu上面嘢食選擇唔多 但係好精緻 今晚就揀咗主菜意式安格斯肉眼扒配澳洲西蘭花苗 🥦一上菜個賣相 好吸引 🥩個肉眼扒好似心心咁非常浪漫 牛扒係厚切嘅 叫咗八成熟 肉質好嫩 好juicy 好彈牙 一啲根都冇 好好食 配上燒汁同埋芥末食 真係好高享受 配菜係西蘭花 都比較少見 好得意 好好食 另外點咗個意粉係呢度新鮮手製嘅意大利麵 新鮮黑松露蘑菇扁意大利麵 🍽一上菜都好吸精 因為有好多黑松露片 感覺好高級 黑松露嘅味道芬香撲鼻 意粉係手工仔嘅所以特別新鮮 掛上黑蘑菇汁好creamy好好食 🍝呢度嘅食材好新鮮 高級 裝修好舒服 好啱拍拖 同埋放工同朋友嚟聚餐食飯