阿太車仔麵 (已結業)

晏就有小小餓行左一日街，就去左食個下午茶，經過呢間車仔麵見到下午茶送飲品咁抵就走左入去，入到去感覺完全唔同以前一直食開車仔麵既鋪頭咁，好乾淨同好靚既裝修但帶小小懷舊咁，叫左個雞翼尖白蘿蔔生菜牛腩河粉，另外叫左個小食 鹽酥雞試下等左都唔係好耐就有得食，講下碗車仔麵先個雞翼尖好入味d骨都有小小軟，蘿蔔都可以冇咩根，個生菜配埋個腩汁直程係絕配！牛腩唔係全肉有小小肥咬落口個感覺唔會好似柴咁，個小食係熱炸起既咬落去脆卜卜最緊要係佢既味好正食完一份都唔多夠喉送左杯野飲，食完真係飽曬