影片
更多
2022-01-22
87 瀏覽
一鍋堂 (新都會廣場) (葵芳)📍葵芳興芳路223號新都會廣場6樓601-610號舖🍴星期六午市嚟食一鍋堂，餐廳竟然坐唔滿，係咪因為疫情所以大家唔敢打邊爐？💰一鍋堂我幾年前已經喺旺角開始食，但佢而家收費好似越嚟越貴，假日要加$10 ，海鮮又要再加$20 ，計埋加一 ，食最平嗰個餐都要$185。我今次埋單用咗生日優惠，有九折。🍹青菜、飲品、醬料要自取，自取區仲有少少熟食，試咗牛腩同蝦，味道都麻麻地。🍅今次揀咗蕃茄牛粒湯，味道少少酸，冇乜驚喜，不過味道唔假。強烈建議大家一開始嗌一份蕃茄同粟米放落去，最尾個湯會濃郁好多。🥩牛肉叫咗兩次，質素有少少分別。第一份口感比較韌，但都有少少牛肉嘅甜味，第二份肉質比較林，好食啲。一鍋堂嘅牛肉經常質量唔穩定，同一餐叫嘅牛肉都會有好大分別，我覺得餐廳應該改正呢個問題。🐟鱔片同鯇魚係我每次必食嘅，雖然魚片切得比較薄，但鱔片都有少少肥美嘅感覺，不過鯇魚片就非常一般。脆骨腩夠脆，口感味道都幾好。🐚蜆叫咗兩種，有少少蜆嘅鮮味，但細蜆有沙。☄️叫咗三種手打丸，質素普通。🥬油墨菜唔夠嫩，未至於有渣，但口感較粗糙。💁🏻♀️總括而言，服務幾好，坐得都舒服，食物質素還可以，間唔
📍葵芳興芳路223號新都會廣場6樓601-610號舖
🍴星期六午市嚟食一鍋堂，餐廳竟然坐唔滿，係咪因為疫情所以大家唔敢打邊爐？
💰一鍋堂我幾年前已經喺旺角開始食，但佢而家收費好似越嚟越貴，假日要加$10 ，海鮮又要再加$20 ，計埋加一 ，食最平嗰個餐都要$185。我今次埋單用咗生日優惠，有九折。
🍹青菜、飲品、醬料要自取，自取區仲有少少熟食，試咗牛腩同蝦，味道都麻麻地。
🍅今次揀咗蕃茄牛粒湯，味道少少酸，冇乜驚喜，不過味道唔假。強烈建議大家一開始嗌一份蕃茄同粟米放落去，最尾個湯會濃郁好多。
🥩牛肉叫咗兩次，質素有少少分別。第一份口感比較韌，但都有少少牛肉嘅甜味，第二份肉質比較林，好食啲。一鍋堂嘅牛肉經常質量唔穩定，同一餐叫嘅牛肉都會有好大分別，我覺得餐廳應該改正呢個問題。
🐟鱔片同鯇魚係我每次必食嘅，雖然魚片切得比較薄，但鱔片都有少少肥美嘅感覺，不過鯇魚片就非常一般。脆骨腩夠脆，口感味道都幾好。
🐚蜆叫咗兩種，有少少蜆嘅鮮味，但細蜆有沙。
☄️叫咗三種手打丸，質素普通。
🥬油墨菜唔夠嫩，未至於有渣，但口感較粗糙。
💁🏻♀️總括而言，服務幾好，坐得都舒服，食物質素還可以，間唔中可以嚟食一餐。
張貼
