架勢廚房 (馬寶學林33) (已結業)

喺朋友屋企打牌睇波，大家都唔願出街食，寧願買外賣好過🤣。各自打開手機App揀想食嘅嘢，非常方便。我哋見到有間叫「架勢廚房」嘅餐廳，乜都有得食，夾埋一齊嗌夠指定金額，可享折扣優惠。我去到拎外賣先發現原來佢係近嚟新興嘅雲端廚房，同一個地方煮出環球美食🌍👨🏻‍🍳，包括川式、韓式、日式、台式、港式同星洲等，選擇繁多。食物定價正常，正價$5X-$6X一份，份量幾多，而且外賣包裝亦都企理，準時出餐。阿林炒飯配豬肉串($78/套餐)，呢個類似印尼炒飯，非常惹味。雖然炒飯好深色🍛，但唔會太重口味，佢加咗好多配料一齊炒，例如三色燈籠椒、洋蔥同雞肉等，另外仲有一隻煎蛋🍳。炒飯本身亦配有兩串串燒，飯餸嘅份量同樣十足。麻辣口水海南雞飯($78/套餐)，口水雞屬於星馬菜式，所以嗌套餐送小食。🐔雞件基本上去咗骨，肉質幾滑，而且無乜雪味；而我就最鍾意佢個口水汁🌶，麻得過癮，少少辣，送白飯啱晒。底部仲墊咗啲蔬菜索味，正啊。上面兩個餐跟配小食，我哋要咗馬來沙嗲雞串🍗同埋沙嗲雞翼，兩樣都高質。串燒啲肉並無燒到過晒火，因此無乾晒硬晒，而且清楚分到係豬定雞。台味晚市2人套餐A($118)，套餐包兩個台式便當🍱連汽水，平過單點