嵐月 (AIRSIDE)

營業中

休息中

今次生日朋友帶我試食呢間中菜, 佢馬上訂左呢間中菜試試。可能係星期六下午既關係, 入座率都有70-80%, 好彩朋友一早已經訂位, 仲要係窗口旁邊, 感覺都幾舒服, 上點心速度唔會太快, 時間岩岩好, 可以邊食邊傾計, 當日我哋叫左幾個點心, 都覺得唔錯。金沙鮮蝦腸 -   腸粉皮好薄, 咬落去隻蝦好大隻而且感覺都幾新鮮。冬陰小籠包 -  見到個名好似幾特別, 諗住試下。咬落去冬陰公湯即刻滲出, 味道覺得幾特別, 之前未食過有冬陰公味既小籠包。三重芝士鱈魚春卷 -  春卷皮好脆, 唔會太油膩,  又唔會有魚既腥味同個芝士都幾夾。黑松露野菌餃 -  餃子皮都幾薄, 黑松露唔會太多, 味道適中。無諗過原來中菜都可以食到生日蛋糕, 所以都覺得好驚喜。生日蛋糕好靚, 味道幾好食, 唔會太甜, 侍應幫我哋影完相後, 仲好細心每款甜品都有介紹, 仲教我哋應該由邊款甜品開始食, 我覺得最好食係Raspberry cheese cake, 芝士同Raspberry好夾, Raspberry食落去唔會酸, 最後忍唔住外賣2件返屋企繼續食。