茹絲葵牛排餐廳

星期五朋友book左8:30食Restaurant Week做緊promotion既餐廳慶祝我生日。餐前麵包外脆內軟，又熱辣辣，非常好食。前菜我叫左Carpaccio, 除左有生牛肉，仲有麵包同沙律，生牛肉好嫩，好好食。朋友叫左Crab and Corn Chowder，話足料但好鹹。主菜全部都要Petite Filet (4oz)，上枱好熱，連隻碟都係熱架，牛扒好軟腍，我好鍾意。配菜全部都要Creamed Spinach，呢個就麻麻地啦，我唔好甘樣整既菠菜，太creamy。甜品要Mini New Orleans Cheesecake，芝士味非常濃郁，真材實料，好味。因為生日所以寫上生日字句，另外會即場影相曬相送俾你。有個朋友要Sorbet，係mango+raspberry既味，酸酸地，好開胃。最後仲叫多個甜品: Chocolate Explosion，好大個，朱古力係苦甜個種，好濃味，蛋糕非常鬆軟又濕潤，仲有球雲尼拿雪糕，好正，食甜品食到飽。