影片
更多
2024-03-23
26 瀏覽
今日同家姐嚟到天后食omakase，聽聞水準同性價比十分高，餐廳安排咗我哋坐bar枱。而每人嘅檯頭都有一隻好大嘅碟，方便師傅將食物直接放係你面前。首先佢放咗啲新鮮的漬物，冇落任何調味，可以清清喉嚨，質地爽口。今晚我哋叫左「螢狩Hotarugari $1380/位」，趁師傅準備食材之際，四圍打下卡先，見到枱面放上幾個金屬製的幸福鬼一家五口，拿起來很有份量，個個都很得意。兩粒米清酒入口時有著甜美像白桃一樣的醇厚香氣，適合單獨細味品嚐的極上級清酒，亦適合配搭刺身、壽司、白身魚等比較鮮味食物的餐中酒。而且飲落酒精感唔會重, 飲多2杯都唔會有負擔，清爽度真係岩哂夏天飲。富山縣特產螢光魷魚（未處理）當螢火魷魚在日本的魚類市場開始販賣就代表是春季來臨的時間。師傅話收貨後要進行急速冷凍保持當下鮮度，解凍後以刺身方式送到客人面前享用，因此是當季時節才能品嚐到的美食。富山縣螢光魷魚螢光魷魚同平時吃的很不一樣，師傅保留了原隻魷魚入面嘅膏，一口一隻，口腔內充斥住魷魚的香味加上甘甜嘅魷魚膏，吃完前菜已經整個心花怒放！全國第一華漣蠔來自長崎的「華漣」真蠔，被堪稱「日本第一生蠔」。身形是黃金色，約手掌大，肉質肥美結
今晚我哋叫左「螢狩Hotarugari $1380/位」，趁師傅準備食材之際，四圍打下卡先，見到枱面放上幾個金屬製的幸福鬼一家五口，拿起來很有份量，個個都很得意。
兩粒米清酒入口時有著甜美像白桃一樣的醇厚香氣，適合單獨細味品嚐的極上級清酒，亦適合配搭刺身、壽司、白身魚等比較鮮味食物的餐中酒。而且飲落酒精感唔會重, 飲多2杯都唔會有負擔，清爽度真係岩哂夏天飲。
富山縣特產螢光魷魚（未處理）
當螢火魷魚在日本的魚類市場開始販賣就代表是春季來臨的時間。師傅話收貨後要進行急速冷凍保持當下鮮度，解凍後以刺身方式送到客人面前享用，因此是當季時節才能品嚐到的美食。
富山縣螢光魷魚
螢光魷魚同平時吃的很不一樣，師傅保留了原隻魷魚入面嘅膏，一口一隻，口腔內充斥住魷魚的香味加上甘甜嘅魷魚膏，吃完前菜已經整個心花怒放！
全國第一華漣蠔
來自長崎的「華漣」真蠔，被堪稱「日本第一生蠔」。身形是黃金色，約手掌大，肉質肥美結實，加了醋啫哩或檸檬汁，更能帶出其鮮甜味。
燒平貝平貝肉質鮮嫩多汁， 營養亦相當豐富，無論做刺身或輕輕一燒，再灑上七味粉用紫菜包住食同樣鮮味濃厚。
左邊係栗蟹
右邊係毛蟹
栗蟹其實同毛蟹真的很似，吃起來美味多汁，但鮮甜味其實差不多。
毛蟹感覺啲肉幼嫩啲juicy啲，蟹膏豐富，濃郁鮮甜。
膠原鯛肉質潔白清爽，口感軟嫩細緻。
八爪魚卵
八爪魚卵的外表看起來並不吸引，但味道香濃，與蟹子或蝦子差不多，只要鼓起勇氣邁出第一步，吃後一定會對它改觀。
北海道縞蝦蝦肉厚實，口感相對春蝦更豐實飽滿，味道鮮甜清爽。
吞拿魚背脊
浸咗豉油的吞拿魚背脊脂肪含量較低，肉質較結實， 魚味較濃，色澤鮮紅，再配上山竽蓉和馬糞海膽同吃，口感一流。
師傅請食的拖羅筋師傅先去筋位再用火槍略燒表面，滿口都是油香。
北海道油坊主
油坊主比較特別，食落非常之香同埋嫩口，口感有啲似鱈魚，師傅話係非常少見嘅魚類。再配上萬能葱、七色芝麻和金箔，簡直係視覺的享受。
燒吞拿魚下巴第一次吃得這麼刁鑽，吞拿魚魚油豐富，經過燒烤，色澤金黃，油香進一步被提升，魚肉滑溜，入口即化，令人回味。
左邊係白海膽
右邊係馬糞海膽
全部都係北海道
白海膽味道冇馬糞海膽咁甜，顏色較淡，但仍然好清爽，質感細滑。
馬糞海膽特別甘甜，而且每瓣都好厚肉，啖啖鮮味。
炸香魚bb肚帶甘苦味，可整條吃，面層脆薄，連骨頭也可吃掉，相信製作時控制得好先做到。
全條肥吞拿魚腩
呢個部位最多脂肪，但都多筋位，師傅會特別用心切開。
肥吞拿魚腩
魚香比大拖羅更出，入口即溶，魚香四射，
鮮味湧出難擋，久久難以散去，師博好貼心地切斷啲筋，好幸福啊！
葱拖羅、白海膽加馬糞海膽飯超級海膽飯，一口吃下那麼多海膽，海膽量比飯還要多，十分邪惡。加埋白海膽一齊食層次口感超級豐富，再配埋肥美的蔥拖羅簡直沒得輸。
超濃魚湯
遠距離已經聞到魚湯味，呈奶白色熱辣辣，加上少少蔥花，飲落超強魚味。
宇治綠茶加十勝紅豆蓉爽滑的口感和溫和的抹茶香形成了完美的組合。配角也不是小角色，吃得到紅豆混著紅豆沙口感，兩者是最佳經典搭配。
總括而言，每一款壽司刺身都感受到滿滿嘅誠意，食材用料都非常新鮮，環境舒適，食完已經即刻book定下一次再來！
張貼
