影片
更多
2020-10-05
160 瀏覽
老闆平時好識食, 而且特別中意食日本野, 成日食Omakase, 真係羨慕呀!! 適逢今日老細請食飯話當做埋節, 帶左我去佢推介兼食開Omakase既‣寿々乃 Suzuno食好野, 食正野梗係要好好紀錄一下海膽天婦羅 $168天婦羅粉漿超薄兼好幼細, 紫菜經油炸後口感酥脆, 入面係北海道海膽, 用天婦羅既做法竟然都可以keep到入口即溶既口感, 而且鮮甜味一點不減, 咬落去既時候仲feel到海膽爆出黎既感覺有配上天婦羅汁, 不過海膽靚夠甜, 我自己就無點汁, 可以食番食材原味。鹽燒油甘魚鮫 $138油甘魚鮫肉厚肥美, 皮位燒得焦香薄脆, 鮫位肉質嫩滑到不得了, 燒過後迫出魚油, 油脂非常豐富, 入口juicy! 加上青檸汁更fresh又能提鮮, 仲有傳統既酸汁加蘿蔔蓉解熱氣~香蔥拖羅海膽丼 $280滿滿既拖羅蓉, 金黃既海膽一瓣一瓣清晰可見, 加上蔥絲同埋玉子覆蓋住整碗飯。拖羅蓉甘香無比, 口感軟綿綿, 加入鵪鶉蛋黃口感更滑溜, 油脂味道濃香, 而且份量足以拌勻成碗飯北海道海膽質感Creamy, 濃厚又甘甜, 鮮味係口腔中徘徊不散, 回甘好強, 好正鐵火丼 $240用鮮嫩紅色既吞拿魚砌
海膽天婦羅 $168
天婦羅粉漿超薄兼好幼細, 紫菜經油炸後口感酥脆, 入面係北海道海膽, 用天婦羅既做法竟然都可以keep到入口即溶既口感, 而且鮮甜味一點不減, 咬落去既時候仲feel到海膽爆出黎既感覺有配上天婦羅汁, 不過海膽靚夠甜, 我自己就無點汁, 可以食番食材原味。
鹽燒油甘魚鮫 $138
油甘魚鮫肉厚肥美, 皮位燒得焦香薄脆, 鮫位肉質嫩滑到不得了, 燒過後迫出魚油, 油脂非常豐富, 入口juicy! 加上青檸汁更fresh又能提鮮, 仲有傳統既酸汁加蘿蔔蓉解熱氣~
香蔥拖羅海膽丼 $280
滿滿既拖羅蓉, 金黃既海膽一瓣一瓣清晰可見, 加上蔥絲同埋玉子覆蓋住整碗飯。
拖羅蓉甘香無比, 口感軟綿綿, 加入鵪鶉蛋黃口感更滑溜, 油脂味道濃香, 而且份量足以拌勻成碗飯
北海道海膽質感Creamy, 濃厚又甘甜, 鮮味係口腔中徘徊不散, 回甘好強, 好正
鐵火丼 $240
用鮮嫩紅色既吞拿魚砌成一朵大大既玫瑰花, 再加上金箔既鐵火丼, 賣相更加亮麗精緻, 感覺奢華。吞拿魚口感柔軟, 每一啖都係赤身清淡既鮮味, 另外每一片既厚薄同大小都好均勻, 突顯師傅既刀功🔪另外一碗好丼飯, 醋飯亦係好重要既角色! 依度既醋飯做得出色, 口感Q彈, 味道甘甜帶醋香微酸, 整體十分完美
自家製特色甜品 $68
係餐廳自製既奶凍配士多啤梨果醬, 奶凍口感綿滑, 奶香濃郁, 士多啤梨果醬味道天然香甜, 帶有士多啤梨籽增添口感。
特別想提下依度既service, 店員親切有禮, 師傅更加係對每一位客人都好貼心, 未爆場既時候親自到每枱介紹食材同問下對食物滿唔滿意, 之後見師傅忙於招呼食omakase既客人既過程中, 同客人交流親切friendly, 氣氛好好, 覺得佢地對客人好有心同誠意, 值得一讚
張貼
