影片
更多
2023-01-25
230 瀏覽
之前已經試過呢間雅. 悠蔬食，令人印象深刻～所以今晚又嚟翻兜啦！！今次叫左個晚市套餐B：黑松露野菜忌廉燴扁意粉配鹽酥白靈菇。套餐包兩款前菜：柚香紅菜頭蘋果拌合桃 ＆ 麻醬沙薑豆絲粉皮，紅菜頭酸酸甜甜、粉皮係冷盤，全部都好醒胃。手卷二揀一：蘆筍素香鬆苜蓿芽手卷／香芒牛油果苜蓿芽手卷，我就揀左牛油果呢款，味道好清新，紫菜好香脆。而服務員亦好貼心咁提醒我要先食手卷，如果唔係紫菜淋左就冇咁好食啦～湯品二揀一：牛肝菌桃膠忌廉濃湯／茶樹菇竹笙蓮子紅棗黃耳燉湯，我就揀左忌廉濃湯。雖然話係濃湯，但其實味道都係偏清淡。主食：鹽酥白靈菇非常香口，外層薄薄一層粉漿，炸得好脆，白靈菇肉質嫩，菇汁飽滿，唔會炸到乾巴巴。意粉方面，黑松露味道淡香~忌廉濃稠度適中，唔會太稀～飲品方面，叫左杯雪梨青檸蘆薈冰茶，味道清甜，蘆薈有咬口。甜品方面，有四款可以揀，每樣價錢不等，我就選擇左加$5 食佢GE玫瑰荔枝乳酪蛋糕。甜品份量細，味道清香！岩哂我呢D唔食得太甜GE人GE口味呀！！呢個套餐真係好豐富，食到好飽！！食材用料講究，食完又唔會好口渴，健康之選。I WILL BE BACK~
今次叫左個晚市套餐B：黑松露野菜忌廉燴扁意粉配鹽酥白靈菇。
套餐包兩款前菜：柚香紅菜頭蘋果拌合桃 ＆ 麻醬沙薑豆絲粉皮，紅菜頭酸酸甜甜、粉皮係冷盤，全部都好醒胃。
手卷二揀一：蘆筍素香鬆苜蓿芽手卷／香芒牛油果苜蓿芽手卷，我就揀左牛油果呢款，味道好清新，紫菜好香脆。而服務員亦好貼心咁提醒我要先食手卷，如果唔係紫菜淋左就冇咁好食啦～
湯品二揀一：牛肝菌桃膠忌廉濃湯／茶樹菇竹笙蓮子紅棗黃耳燉湯，我就揀左忌廉濃湯。雖然話係濃湯，但其實味道都係偏清淡。
主食：鹽酥白靈菇非常香口，外層薄薄一層粉漿，炸得好脆，白靈菇肉質嫩，菇汁飽滿，唔會炸到乾巴巴。意粉方面，黑松露味道淡香~忌廉濃稠度適中，唔會太稀～
飲品方面，叫左杯雪梨青檸蘆薈冰茶，味道清甜，蘆薈有咬口。
甜品方面，有四款可以揀，每樣價錢不等，我就選擇左加$5 食佢GE玫瑰荔枝乳酪蛋糕。甜品份量細，味道清香！岩哂我呢D唔食得太甜GE人GE口味呀！！
呢個套餐真係好豐富，食到好飽！！食材用料講究，食完又唔會好口渴，健康之選。I WILL BE BACK~
張貼
