羲和雅苑

營業中

休息中

呢間中菜館好出名，之前食過尖沙咀嗰間覺得好好味，今日去開東湧行街，發現原來東湧都有一間，索性就入去回味嚇！最驚喜系佢哋而家有優惠四人餐，千幾蚊有勁多嘢食，超級抵！招牌烤鴨呢間餐廳最出名嘅系烤鴨，呢個套餐裡面亦都包咗半只烤鴨！而且仲會有一個好靚嘅伴碟，裡面有各種食烤鴨嘅配菜，最驚喜嘅系佢哋有爆炸糖呢種創新嘅食法好少見，但系又好好食喎！烤鴨都系外皮好脆，鴨肉好新鮮，包埋啲山楂條同埋洋蔥條一齊食，完全唔會覺得好滯！椒麻牛肋條牛肋條好軟腍腍，一睇就知道系用咗好多心機去炮製嘅，麻麻辣辣，好過癮！濃湯酸菜魚酸菜魚都好正！因為佢啲魚肉好新鮮彈牙，一啲都唔會有腥味，如果湯底亦都唔會話好酸或者好咸，味道條配得啱啱好，而且裡面亦都好多配料，包括粉皮豆芽同酸菜等等，真系好大一碟好滿足！特色宮爆雞丁呢個宮保雞丁睇賣相就知道系一個好惹味嘅菜，的確系麻麻辣辣，而且啲雞肉好嫩滑，送飯一流！黑松露蠔仔煎蛋蠔仔好新鮮，完全唔腥！煎蛋又好香，微微深住黑松露嘅香氣，我個人超級喜歡呢道菜！瑤柱蛋白炒飯瑤柱蛋白炒飯都好有驚喜！炒飯好香好有鑊氣，而且個飯亦都系乾身嘅，在座嘅每位朋友都盛贊！最後仲附送咗糖水，我哋揀咗桃膠同埋楊枝甘