春宵

營業中

休息中

同女朋友喺灣仔約會唔知食咩好，就喺社交媒體搵吓，搵到一間好有興趣嘅火鍋店，我哋兩個人都好想食，就揀咗春宵火鍋店。去到嗰邊令我哋眼前一亮，間舖嘅裝修好有特色，仲有個露天位俾大家放鬆吓，真係好chill。我哋就叫咗啲我哋比較鍾意食嘅餸菜嚟試吓。🔘冬瓜盅海鮮湯首先湯底我哋揀咗冬瓜盅海鮮湯，我哋都好鍾意食海鮮所以就揀咗呢款。冬瓜味同海鮮一齊放喺一個煲煮，散發出好濃郁嘅清甜海鮮味，好香。濟州豬梅肉豬肉嘅脂肪分佈均勻，煮熟咗之後口感十足，鮮嫩多汁，入口即溶，仲保持到濃郁嘅豬肉味，真係一流。拿破崙響鈴打邊爐就最鍾意叫響鈴喇。落湯即溶嘅佢俾咗我哋足夠嘅享受。放入把口散發住滿滿嘅湯汁仲有微微嘅豆香味。鮮蝦滑我哋最愛嘅蝦滑超級新鮮，份量又多，完全滿足晒我哋嘅胃口。由頭食到落尾都停唔到口。呢度嘅食物環境都好正嘅火鍋店，大家記得嚟試吓呀。