影片
更多
2017-03-14
3827 瀏覽
做完運動又過嚟上環飯堂食個簡單晚餐。每次必點蠔仔肉碎粥 - 清清哋兩個人 share 剛剛好。 不過最近水準好似差咗 ： 蠔仔細咗、少咗，粥底稀咗..... 希望以後有所改善。梅羔醬烤骨 - 因想食少少酸嘅餸所以點呢個。樣子頗吸引但食落失望😓。完全唔入味，汁還汁肉還肉而且質地幾柴，唔得！砂鍋梅菜肉碎炒菜心 - 有鑊氣，梅菜甜甜哋加埋肉碎好惹味，菜心亦不會老。甜品又係點必叫嘅紅棗糕 - 最愛佢一層層夠煙靱唔會太甜好好味😋銀杏綠豆爽 - 細細碗，銀杏唔係太多但味道都算唔錯。今日水準一般，下次都係叫番滷水鵝片、沙茶牛肉隱陣啲😬
每次必點蠔仔肉碎粥 - 清清哋兩個人 share 剛剛好。 不過最近水準好似差咗 ： 蠔仔細咗、少咗，粥底稀咗..... 希望以後有所改善。
梅羔醬烤骨 - 因想食少少酸嘅餸所以點呢個。樣子頗吸引但食落失望😓。完全唔入味，汁還汁肉還肉而且質地幾柴，唔得！
砂鍋梅菜肉碎炒菜心 - 有鑊氣，梅菜甜甜哋加埋肉碎好惹味，菜心亦不會老。
甜品又係點必叫嘅紅棗糕 - 最愛佢一層層夠煙靱唔會太甜好好味😋
銀杏綠豆爽 - 細細碗，銀杏唔係太多但味道都算唔錯。
今日水準一般，下次都係叫番滷水鵝片、沙茶牛肉隱陣啲😬
張貼
