影片
更多
2021-10-10
904 瀏覽
落咗波喺西貢出街食晏，未諗到食乜之下路過見到新鋪，研究下menu後決定試新嘢。今次點咗$368（須加一）嘅二人餐，前菜3揀2嗌咗鮮果凱撒沙律🥗，略嫌沙律醬多咗少少，但整體味道搭救，菜好新鮮，今次生果用咗梨🍐，感覺好fresh；另一個前菜揀咗黃金蝦🍤，鹹蛋黃味濃，食落香口，推介！（另一個無揀嘅係炸軟殼蟹🦀）兩個主菜揀咗龍蝦包，第一啖咬落就知肉質新鮮，配五穀豬仔包非常香口；太太揀咗咖喱蟹肉包，揀另一隻牛乳厚切三文治包，麵包輕烤過先上，咖哩蟹肉味道夠濃。我哋一人試半份，建議先食龍蝦包🦞，再食濃味蟹肉包。（另一個無揀嘅係龍蝦薄餅🍕）飲品開頭唔知有得加錢轉啤酒、花茶之類，嘥咗，配啤酒應該幾爽。我哋叫咗凍檸茶、凍奶茶，屬正常發揮。跟餐甜品係cheese cake，我本身唔食叫餐廳唔使上，餐廳另外切咗一份蘋果俾我，太太揀咗Cranberry cheese cake話好味。老囉娘話有16:00~20:00嘅Happy Hour，酒精類飲品買一送一，個人嚟講有興趣試埋晚餐menu，但要吹雞先食得多嘢，因為選擇望落都唔少。餐廳主打海鮮、扒類，會返頭試埋dinner menu。P.S. 鍾意飲酒嘅西貢人去食
今次點咗$368（須加一）嘅二人餐，前菜3揀2嗌咗鮮果凱撒沙律🥗，略嫌沙律醬多咗少少，但整體味道搭救，菜好新鮮，今次生果用咗梨🍐，感覺好fresh；另一個前菜揀咗黃金蝦🍤，鹹蛋黃味濃，食落香口，推介！（另一個無揀嘅係炸軟殼蟹🦀）
兩個主菜揀咗龍蝦包，第一啖咬落就知肉質新鮮，配五穀豬仔包非常香口；太太揀咗咖喱蟹肉包，揀另一隻牛乳厚切三文治包，麵包輕烤過先上，咖哩蟹肉味道夠濃。我哋一人試半份，建議先食龍蝦包🦞，再食濃味蟹肉包。（另一個無揀嘅係龍蝦薄餅🍕）
飲品開頭唔知有得加錢轉啤酒、花茶之類，嘥咗，配啤酒應該幾爽。我哋叫咗凍檸茶、凍奶茶，屬正常發揮。跟餐甜品係cheese cake，我本身唔食叫餐廳唔使上，餐廳另外切咗一份蘋果俾我，太太揀咗Cranberry cheese cake話好味。
老囉娘話有16:00~20:00嘅Happy Hour，酒精類飲品買一送一，個人嚟講有興趣試埋晚餐menu，但要吹雞先食得多嘢，因為選擇望落都唔少。餐廳主打海鮮、扒類，會返頭試埋dinner menu。
P.S. 鍾意飲酒嘅西貢人去食會有驚喜，詳情問老闆娘😉
張貼
