有口福 (已搬遷) 新店位置

九龍城除咗出名食泰國嘢之外，原來仲有一間食小菜、烤魚同打邊爐都同樣咁好食，就係九龍城嘅(有口福)！雖然位置比較偏，但都容易找到嘅！餐廳環境寬敞，清潔衛生，服務態度不錯!好好人㗎！呢間餐廳有小菜、酸辣烤魚、胡椒豬肚雞煲，經典火鍋等，各式各樣俾食客選擇！款式多多，最啱一大班人嚟歡聚。我哋先嚟試咗一個小菜「秋葵」，份量一般，味道口感爽脆，都有好多食客品嚐這道小菜，有益又健康，仲易入口！而「胡椒豬肚雞煲」價錢唔算太貴，材料味道十足，用料新鮮，味道香濃，雞肉非常嫩滑，用嚟伴飯最好不過。「紅燒雞軟骨」入口帶點微辣，啲雞軟骨爽脆易入口，而且又夠大碟，好抵食！「烤魚」原隻大大條，調味合宜，夠晒新鮮！「頂級肥牛」新鮮薄切，呈鮮紅，大大碟！份量夠兩至三人享用