影片
更多
2023-12-21
827 瀏覽
Wtsapp左餐廳book枱同老公慶祝生日揀左最貴嗰個set，俾左$1000訂金雖然都係大概2000蚊一位，omakase黎講未算好貴，屬正常價錢但都滿心期待🥲到達門口，未開門已聽到好嘈嘅普廣夾雜吵鬧聲完全冇omakase嘅氣氛未入門口前仲以為可能餐廳分幾個區，係居酒屋鐵板燒區所以咁嘈？點知唔係，係真係一個小小嘅空間只有一張大bar枱，大概10個坐位可能係我唔好彩，同枱有一班大概5-6人嘅客人非常嘈吵絕對唔係講嘢有幾句大聲左咁簡單係好似去左街市大排檔撘枱一樣嗰幾位客人亦只係剛開始食，酒只係飲左好少，絕非一時飲醉失儀當時餐廳員工都好有禮貌主動道歉但奈何餐廳只有一張bar枱，喺一個好細少嘅空間店員亦覺有問題，更主動提出俾我地掉位但即便掉位大家都係同一空間，同一張枱頂多只能褪過一個位，根本毫無分別我地亦明白員工難處，好難向其他客人投訴所以都諗住算⋯😭但食左2道菜，真係頂唔順亦覺得非常委屈🥲早早預約好嘅生日飯，滿心期待同老公過生日，竟然變成咁😭決定就算棄訂都要離場當時向員工請示老闆，點知老闆原來一路在場正正就係招呼緊嗰堆客人😓可能嗰幾位客人消費能力高，或者係老闆朋友？唔講我以為佢係其中一位客人
揀左最貴嗰個set，俾左$1000訂金
雖然都係大概2000蚊一位，omakase黎講未算好貴，屬正常價錢
但都滿心期待🥲
到達門口，未開門已聽到好嘈嘅普廣夾雜吵鬧聲
完全冇omakase嘅氣氛
未入門口前仲以為可能餐廳分幾個區，係居酒屋鐵板燒區所以咁嘈？
點知唔係，係真係一個小小嘅空間
只有一張大bar枱，大概10個坐位
可能係我唔好彩，同枱有一班大概5-6人嘅客人非常嘈吵
絕對唔係講嘢有幾句大聲左咁簡單
係好似去左街市大排檔撘枱一樣
嗰幾位客人亦只係剛開始食，酒只係飲左好少，絕非一時飲醉失儀
當時餐廳員工都好有禮貌主動道歉
但奈何餐廳只有一張bar枱，喺一個好細少嘅空間
店員亦覺有問題，更主動提出俾我地掉位
但即便掉位大家都係同一空間，同一張枱
頂多只能褪過一個位，根本毫無分別
我地亦明白員工難處，好難向其他客人投訴
所以都諗住算⋯😭
但食左2道菜，真係頂唔順
亦覺得非常委屈🥲
早早預約好嘅生日飯，滿心期待同老公過生日，竟然變成咁😭
決定就算棄訂都要離場
當時向員工請示老闆，點知老闆原來一路在場
正正就係招呼緊嗰堆客人😓
可能嗰幾位客人消費能力高，或者係老闆朋友？
唔講我以為佢係其中一位客人
嗰一下深感無奈，亦唔想同佢多講
既然連餐廳老闆，都默許甚至認同自己嘅omakase餐廳，可以咁樣喧鬧嘈吵
重申，並非少少傾計談笑聲，係如同街市，大排檔一般高談闊論咁嘈
毫無環境氣氛可言，但老闆都係一齊嘅，我亦無話可說😖
個人認為Omakase，食物固然重要，但氣氛環境亦好重要
如果唔係…老實講拎住4000蚊嘅budget，2個人可以係尖沙咀，有大把其他非常好嘅日本菜選擇🤡
而老闆亦冇向嗰幾位客人反映，所以並無多講，即然老闆都覺得冇問題，甚至參與其中，我誠心建議佢轉形做居酒屋算
但佢都有向我道歉，並指會退訂
我表示可以支付番我食左嗰2道菜嘅錢
佢亦冇收嘅
當然，離開餐廳後，尖沙咀亦有好多好好嘅選擇，但真係有啲失落，期待左咁耐好好嘅生日飯變成咁
平心而論，食物質素我只係食左2道菜，並無資格評論
但咁嘅budget，日本菜絕對好多選擇，就算omakase亦有有大把選擇
但如果你對氣氛有絲毫要求，絕對唔好選擇呢度，因為老闆自己都對餐廳氣氛冇要求同堅持
又或者呢間omakase比較特別，行熱鬧嘈雜嘅氣氛☺️如果你喜歡，可以一試
張貼