十字冰室 (恆陞大樓)

營業中

休息中

十字牌帶起好多回憶，自小媽媽買朱古力奶或者牛奶都好鐘意買佢。源自小島嘅牛奶廠開冰室，水泥牆、鐵窗花、地磚，仲有霓虹招牌，一番懷舊風味。叫咗個樽裝朱古力奶，同當年嘅味道完全一樣！加埋童年回憶，更加覺得枝朱奶好飲。另外仲叫咗個芝士焗豬扒飯，炒飯底配茄汁，蕃茄汁底酸甜度剛好，本身已經好滋味，再加上豬扒較厚身，食落juicy。提一提嘅係餐廳幫襯嘅人都唔少，好彩食物上枱速度夠快，如果唔係繁忙時間真係有排等。