喬居酒屋

營業中

休息中

呢間係太子小巷嘅日式串燒小店，真係好有日本feel，雖然地方唔大，坐得十幾人，但內部裝修好有日本特色，廚師可以同客人有更好嘅交流。今次主要食雞嘅串燒，想像自己喺日本嘅燒鳥店😂雞心：燒得啱啱好，雞心彈牙又多汁，味道香濃，令人回味。雞肝：味道濃郁，質感滑潤細膩。雞腎：外皮微脆，內裡嫩滑，燒得剛好，味道清新無腥味。雞心喉管：喉管脆口，吸收滿滿燒烤香氣，味道非常惹味，口感就係介乎雞腎同雞肉之間，少少肉感加少少脆。免治雞肉棒配日本初生蛋：雞肉棒質地鬆軟，搭配生蛋液後更加滑嫩，味道層次豐富。雞頸肉：香港好難得有雞頸肉食🥹燒得啱啱好熟，keep到嫩滑感，而且啖啖肉味蒜香燒茄子：同出邊啲燒茄子好唔同，佢係一件件去咗皮咁樣上，好特別，茄子燒得軟綿，入口即溶。牛舌心：質感好細膩，燒烤到外焦內嫩，肉質柔軟。黑糖燒菠蘿：甜味自然，甜而不膩，好啱最後食當甜品。