盈苑海鮮酒家

營業中

休息中

屋企人去完醫院檢查，又剛啱放工索性唔出街食飯。本來想同屋企人嚟呢度飲下午茶，點知見佢夜晚有窯雞就心思思過嚟試。一隻雞配一個小菜，我就配咗薑蔥蠔。一上枱，相當有鑊氣雖然唔係太大隻，但係同出邊啲小炒店有得比拼下。幾鍾意佢個粉唔會想得太厚，隻蠔裏面仲係好juicy。 個薯仔牛柳粒就鹹咗少少，但係都有鑊氣。另外條班仔都唔錯，佢賣個價錢好過自己喺街市買條返屋企蒸。隆重期待嘅窯雞到，呢隻一落鉸剪剪嘅時候比起我較早前喺新界北食嗰隻更加肉汁鮮嫩，佢rosemary都落得幾重手同埋個雞殼裏便都醃得幾重味，隻雞又夠肥美咬落個塊雞皮有少少似玻璃皮，唔知仲以為自己食緊燒鵝髀。拎開個籃下便啲雞油滿晒，本來想嗌碗白飯用嚟撈飯，但係佢d油凍得太快，已經變咗做啫喱狀。太邪惡最後都係制止咗自己。