瘋狂小面 (佳德商業大廈)

營業中

休息中

今次又係同同事一齊去呢間餐廳食lunch，已經第二次嚟呢間餐廳食牛肉麵！水準都keep到。我哋叫咗：瘋狂牛肉麵套餐鍾意佢嘅牛肉夠腍，啖啖肉，牛味香濃，而且有牛筋。個面嘅口感都好好食，軟硬適中，唔係爛pat pat，而且仲要非油炸！今次都係叫咗BB 辣BB麻，不過都有少少辣，要撇咗啲辣油先好啲。蒜泥青瓜蒜味超重！幾有辣度幾好食！泡椒鳳爪酸辣惹味，辣得來幾好味！嘢飲叫咗羅漢果茶冬瓜茶，飲得出應該冇額外加糖。飲落去好舒服好潤喉，都好解辣。