貴緣小鍋米線

營業中

休息中

最近有間紅磡人氣米線店搬咗去大角咀，空間大咗，座位闊落咗，食物價錢同質素依然無變到，仲有幾款新菜式添。同朋友各自要咗一碗麵，招牌酸辣湯有得自由選擇辣度，小小辣啱曬啲食唔到辣嘅朋友仔，過過口癮、而豬骨鮮濃湯就只可以唔辣，前者味道開胃，後者清淡帶淡淡香氣。麵條要咗米線，相比起出邊煮得偏腍咗少少，但係入口滑嘟嘟咁而且吸滿湯汁，一份對於女仔嚟講啱啱好，但係男仔嘅話建議可以加底。而配菜方面主要分為菜、丸同肉類。印象深刻嘅有魚肉春捲、手打魚腐、滷水雞翼同豬軟骨，Q彈帶咬口，啖啖肉好滋味。菜品嘅話會推生菜同冬菇皇，新鮮，鮮甜，大大粒，都幾滿足。