Here Thai Market

營業中

休息中

👦🏻同媽媽👩🏻去完新城市廣場shopping，就一齊去左Here Thai Market食泰國菜，餐廳由泰式水上巿場作為背景，滿滿既泰式風味，加上餐廳係米芝連推介既餐廳🍴，由兩名米芝連名廚主理，建議大家黎到沙田不妨一試！🌟蟹肉炒飯 一上碟見到勁多蟹肉係炒飯上面，👩🏻表示真係勁足料，而蟹肉真係鮮甜嫩滑。最值得講既係個炒飯，炒飯真係做到粒粒分明，乾身香口，配料仲配上炒蛋同甘荀粒！🌟瀨尿蝦炒飯上面都提及過炒飯真係一流，而呢度既瀨尿蝦都相當吸引。瀨尿蝦夠哂大隻，完全係啖啖肉，肉質鮮嫩多汁，加上椒鹽同蔥簡直一流既配搭！🌟蟹膏蝦多士蝦多士金黃蘇脆，食落啖啖蝦膠，配上用蟹蓋裝住既蟹膏，食落去簡直係滿口留鮮！🌟豬頸肉兩串豬頸肉燒得岩岩好，肉質嫩滑，外層微微焦香，配上泰式醬汁簡直成道菜昇華。🌟蜂蜜檸檬水/青檸梳打水蜂蜜檸檬水飲落清甜潤喉；而青檸梳打水清香，解膩一流。