影片
更多
2020-09-01
599 瀏覽
之前幫襯咗餐廳嘅炮台山店，發覺幾正喎。呢晚咁啱喺灣仔放工，又見到佢「椰粉湯紅」，所以就決定買兩個餐返屋企同呀媽撐枱腳，人少嗰晚慳返啲功夫、食外賣仲好🙈。灣仔店嘅環境同炮台山店唔同，因為門面係粉紅色，行少女風💕。餐牌項目大致相同，當然亦係主打滋補燉湯，但等有得堂食先叫有🥥椰皇嗰啲啦。等外賣🥡期間，見到餐廳原來都有做早餐的。題外話，店員好好禮貌。炭燒鰻魚椰香蛋包飯($79)，呀媽最鍾意食鰻魚，所以二話不說就幫佢點咗呢個。估唔到外賣蛋包飯嘅造型唔錯喎，而且塊蛋又夠厚，幾好食🥚，鰻魚亦都幾大塊。本身以為呢個盒份量好少，點知係錯覺，勁飽。酸辣手撕雞冷麵($59)，上次食完🐔口水雞令我念念不忘，呢次就試下佢嘅冷麵。溫度無想像中咁冰涼，都OK，不過略嫌蕎麥麵條淋身咗啲，但麵條無變成餅嘢咁，抵讚。好彩佢個辣汁另上，因為又係辣到飛起🌶️，自己落就可以自行調節。苦盡甘來(跟餐+$18)，原來佢係🍍菠蘿加苦瓜，唔講真係唔知，味道幾特別，無乜苦味，本身我仲以為有梨添。食療拿杯湯(跟餐+$15)，呢日嘅款式為粉葛赤小豆芡實煲豬展湯，味道都幾濃下，有啲藥材味。功效為清濕熱同降血壓😊。總括嚟講，餐廳嘅出品係OK，不過
餐牌項目大致相同，當然亦係主打滋補燉湯，但等有得堂食先叫有🥥椰皇嗰啲啦。
等外賣🥡期間，見到餐廳原來都有做早餐的。題外話，店員好好禮貌。
炭燒鰻魚椰香蛋包飯($79)，呀媽最鍾意食鰻魚，所以二話不說就幫佢點咗呢個。估唔到外賣蛋包飯嘅造型唔錯喎，而且塊蛋又夠厚，幾好食🥚，鰻魚亦都幾大塊。本身以為呢個盒份量好少，點知係錯覺，勁飽。
酸辣手撕雞冷麵($59)，上次食完🐔口水雞令我念念不忘，呢次就試下佢嘅冷麵。溫度無想像中咁冰涼，都OK，不過略嫌蕎麥麵條淋身咗啲，但麵條無變成餅嘢咁，抵讚。好彩佢個辣汁另上，因為又係辣到飛起🌶️，自己落就可以自行調節。
苦盡甘來(跟餐+$18)，原來佢係🍍菠蘿加苦瓜，唔講真係唔知，味道幾特別，無乜苦味，本身我仲以為有梨添。食療拿杯湯(跟餐+$15)，呢日嘅款式為粉葛赤小豆芡實煲豬展湯，味道都幾濃下，有啲藥材味。功效為清濕熱同降血壓😊。
總括嚟講，餐廳嘅出品係OK，不過個人認為招牌海南雞飯好似令我更印象深刻。餐廳身處喺灣仔地段，定價唔算貴，喺附近嘅上班一族不妨試試👍。
張貼
