豆漿大王

營業中

休息中

上次幫襯已是大半年前，襯今日重陽節朝早得閒，特登過來整個粢飯加豆漿做傳統早餐。由鑽石山地鐵站行過去大概15分鐘，可能因為今日係紅日關係，來到唔使等位，直入，正！熱豆漿水準依舊，豆味濃，口感順滑。但粢飯差咗好多。雖然油炸鬼香脆依嚿，但食落好鹹。唔知係唔係包粢飯既姐姐重手左落多咗鹹菜，定係冇將鹹菜過水。侍應姐姐態度麻麻，漏單又唔認，亦唔會主動睇吓客人有咩需要。如果再冇改善，都未必值得特登來同埋慢慢排隊等。