集眾菜館

營業中

休息中

之前食過呢間舖頭嘅招牌咕嚕肉，$98的價錢唔算平，份量亦唔算大碟，不過味道就真係好好，食得出師傅嘅真功夫，唔怪得去到差唔多每一枱都會叫呢一個咕嚕肉。除咗咕嚕肉之外，今日仲叫咗鐵板生啫雞什，據了解呢一個餸都好受歡迎，雞什無雪味，d蒜頭芫荽蔥段都炒得好香好入味，送飯一流。另外仲叫咗一個川味豬手，冷盤嚟嘅，少少麻辣，都幾好食，豬手有豐富骨膠原，好正。最後要講嘅亦都係最有驚喜嘅，就係呢一個集眾少爺雞，隻雞做得好滑，好有雞味，似乎係新鮮雞做嘅，上碟嘅時候排得好靚，又好睇又好食。