Mano (The L. Square)

見到L.Square禁多嘢食揀，今次就揀咗Mano嚟試一出𨋢就見到餐廳好熱鬧，雖然餐廳唔大，但係佢嘅室內裝修做得好別緻，好適合打卡。佢嘅Menu雖然唔算好多嘢食，但係佢都會為顧客去配搭出合適嘅套餐，望落去每一樣嘢都好似好好食咁。我哋嗰日試咗一個main一個Pasta一個sides一個甜品Main: 意式脆皮燒豬腩卷配辣肉腸蘭度豆一上菜仲見到佢啲肉汁流緊落嚟，個皮好易切，完全冇豬皮嗰隻難切嘅感覺。入口嗰下皮好脆，肉質好林，佢嘅脂肪均勻，一啲都唔鞋。味道都醃得唔太咸，而且好香。一個人食可能會好膩。Pasta: 香煎北海道帶子三文魚籽龍蝦汁扁意大利麵佢嘅醬汁都掛晒喺意粉度，所以每一啖都有醬汁，不過可以更加多。意粉口感el Dante，配埋啲三文魚子食，都幾享受。Side: 烤牛油澳洲西蘭花苗啲西蘭花苗整得好林，啲牛油帶出菜嘅鮮味，加上有少少嘅調味，可以話係一個幾優秀嘅side dish。甜品: Tiramisu佢嘅tiramisu似正宗意大利Tiramisu咁樣偏稀，唔係死甜，作為成個晚餐一個完美嘅句號。