影片
更多
2024-12-06
73 瀏覽
和牛燒肉 • 純📍加連威老道96號希爾頓大廈1樓3號舖臨近聖誕，諗著請阿媽食餐好嘅，就book咗呢間嘅特選飛騨牛燒肉聖誕套餐，套餐價錢係$1580，本身覺得有啲肉赤，但係食到最後，覺得菜品嘅精緻程度同用料，唔係單單以高價食材堆疊出嚟嘅，而係真係有設計過嘅Menu👍🏻係值呢個價嘅餐廳位於尖東，入面大多係包廂同卡位，幾有私隱度，感覺好適合傾生意或約會，燈光亦唔會好似部分高級餐廳咁過份昏暗，影相都幾靚🥰🥗 沙律一落座佢會上一個沙律先，呢個沙律令我期待感提高不少，佢係一啲炸過嘅蘿蔔絲撈酸甜醬汁，下面仲有啲生菜，非常香口但一啲都唔膩，好似食緊啲好香口嘅零食咁，停唔到口，好開胃🥗 刺身係鱆紅魚同吞拿魚刺身，切得好厚所以口感好好，食得出好新鮮好鮮甜，好正🥗 前菜拼盤三種拼盤會定時更換Menu，而且行精緻路線，唔驚食太飽，今次嚟食嘅係一個壽喜燒和牛🥩海鮮茶碗蒸🥚魷魚條🦑壽喜燒和牛入面係日本蛋打成嘅蛋泡，和牛啱啱好熟，浸喺壽喜燒汁入面，入口係極致嘅綿滑香嫩，並且非常鮮甜，超好食！海線茶碗蒸入面有黑松露、帶子、香菇，仲有啲元貝絲夾雜喺蛋入面，勁香勁滑勁鮮甜魷魚絲我一開始以為係薯條😂結果原來出面包嗰層唔係炸
📍加連威老道96號希爾頓大廈1樓3號舖
臨近聖誕，諗著請阿媽食餐好嘅，就book咗呢間嘅特選飛騨牛燒肉聖誕套餐，套餐價錢係$1580，本身覺得有啲肉赤，但係食到最後，覺得菜品嘅精緻程度同用料，唔係單單以高價食材堆疊出嚟嘅，而係真係有設計過嘅Menu👍🏻係值呢個價嘅
餐廳位於尖東，入面大多係包廂同卡位，幾有私隱度，感覺好適合傾生意或約會，燈光亦唔會好似部分高級餐廳咁過份昏暗，影相都幾靚🥰
🥗 沙律
一落座佢會上一個沙律先，呢個沙律令我期待感提高不少，佢係一啲炸過嘅蘿蔔絲撈酸甜醬汁，下面仲有啲生菜，非常香口但一啲都唔膩，好似食緊啲好香口嘅零食咁，停唔到口，好開胃
🥗 刺身
係鱆紅魚同吞拿魚刺身，切得好厚所以口感好好，食得出好新鮮好鮮甜，好正
🥗 前菜拼盤三種
拼盤會定時更換Menu，而且行精緻路線，唔驚食太飽，今次嚟食嘅係一個壽喜燒和牛🥩海鮮茶碗蒸🥚魷魚條🦑壽喜燒和牛入面係日本蛋打成嘅蛋泡，和牛啱啱好熟，浸喺壽喜燒汁入面，入口係極致嘅綿滑香嫩，並且非常鮮甜，超好食！
海線茶碗蒸入面有黑松露、帶子、香菇，仲有啲元貝絲夾雜喺蛋入面，勁香勁滑勁鮮甜
魷魚絲我一開始以為係薯條😂結果原來出面包嗰層唔係炸粉，而係酸酸甜甜嘅醬汁，都係偏開胃嘅小食，幾欣賞
🥩 飛騨牛和牛拼盤
正餐係一個勁豐富嘅拼盤，侍應首先會幫你燒一個用菇同牛排肉整成嘅味噌燒，本來擔心味噌會好濃味，或者菇嘅口感同和牛唔夾，結果味噌嘅味道鹹鹹甜甜，反而令塊牛嘅油脂香更加突出，加上菇同牛一樣一咬就斷，口感上好夾，配埋蔥嘅微微辛辣，釣開晒我地嘅胃口
之後都係自己燒嘅，侍應推薦我地食咗牛舌先，而豚肉味道比較重，所以最後先食😮
薄切牛舌好脆彈，口感好好👍🏻
我最鍾意飛騨牛排肉，油脂分佈真係勁均勻，係我最鐘意嘅肥瘦度，食入口幾乎唔洗用牙，勁香...
肉眼就再肥少少，而且因為比較大塊，食落再滿足啲🥹
最後仲有個有調味嘅豚肉，帶少少辛口嘅甜辣調味，有少少似叉燒嘅味道，非常惹味，建議最後食，因為可能會冚咗其他味道~
本身仲以為全部都係和牛，會食到好滯，結果因為提供咗幾款調味，有鹽、檸檬、燒汁，比較特別嘅係上面提到嘅味噌，我同阿媽最鐘意味噌，比較特別同解膩
🍚 海鮮石鍋飯
可能驚我地食唔飽😂雖然都幾飽，最後嚟咗個石鍋飯同蔬菜味噌湯，侍應會幫我地用蟹膏汁撈好，配料有帶子、蝦、魷魚🙂↕️飯焦勁出色，蟹膏汁勁香，調味好和諧，因為實在太香所以不知不覺地食晒😂食完捧住勁滿足嘅肚出嚟，好幸福...
張貼
