牛気 (如心廣場二期)

營業中

休息中

牛氣同其他牛x系列可以話係糧尾救星今日去開荃灣 突然想打邊爐 但又唔想食咁貴 於是去左如心廣場既牛氣我地本住無希望就無失望既心態入去食，今次我地揀左日式甜豉油同埋蕃茄湯底，湯底不過不失啦。至於肉方面，第一盤既雞牛豬拼盤永遠都係最高質，食落口唔鞋，正正常常。但之後refill既肉，都不意外地係鞋過沙紙，好硬好難咬。不過一分錢一分貨，呢個價錢算性價比好高了，出面有丸類、蔬菜、烏冬、公仔麵等等配料任拎，款式都算多，幾抵食！令我地最驚喜既係，竟然有魚蛋燒賣質素同7仔差唔多。飲品既選擇都幾多，另外又有少類款式既壽司、甜品、沙律，雪糕仲係任食架！