冒喜 (蕪湖街)

營業中

休息中

今日喺紅磡「冒喜」試咗佢哋嘅吉祥套餐，真心覺得性價比超高！今次我哋叫咗兩個吉祥套餐，仲加咗幾款特色飲品同甜品，整個午餐食到超滿足。首先講下吉祥套餐，第一個套餐選咗秘製香辣湯中辣，湯底麻辣帶勁，但唔會辣到搶味。餸方面有魚腐、潮汕手搥牛肉丸、墨魚丸、貴州丁家脆哨、雲耳同白蘿蔔片，再加番薯粉。牛肉丸同墨魚丸嘅口感非常彈牙，脆哨係一大亮點，炸得香脆，配合辣湯非常惹味，番薯粉吸晒湯底精華，辣味入骨，每啖都勁正！第二個套餐揀咗黃金酸菜湯，湯底帶酸但清爽，超開胃。餸有滑雞、美國牛肉、滑牛肉、豬大腸、冰豆腐、海帶結，再加土豆粉。滑牛肉嫩滑，豬大腸煮完冇腥味，啖啖都係膠質感，冰豆腐吸晒湯汁，成個湯底嘅酸爽感配料都帶到另一個層次。紅油涼拌豬肚絕對係我哋嘅餐前開胃菜，豬肚爽脆，紅油嘅辣香撲鼻但唔會太重，食完即刻刺激味蕾，令人期待之後嘅火鍋。飲品方面，洛神花山楂蘋果酸酸甜甜，味道清新；酸梅青檸烏龍茶帶有一陣茶香，同青檸嘅酸味結合得好好，非常解辣。最後甜品係自家製嘅桂花蜜烏梅冰粉，冰粉透明又滑溜，配上桂花蜜嘅香甜，仲有烏梅嘅少少酸味，食完辣嘢後嚟一碗，清新解膩，係完美嘅餐後收尾。