影片
更多
2020-12-31
552 瀏覽
2020年12月25日 星期五“We wish you a Merry Christmasand a Happy New Year”疫情關係好多人嘅生活都被打亂，就算到聖誕節街邊嘅氣氛都好似唔係咁好，不過我相信只要每個人都齊心對抗病毒，疫情終有一日會完結，而到聖誕節呢一日我同老婆就只係邀請幾個親戚上黎屋企打下機、食個飯由於依家夜晚禁止堂食，所以唯有要買外賣。返屋企之前，我哋就係北角行緊街，之後見到有呢一間賣小菜既舖頭，俾裡面菜式嘅氣味吸引左埋去裡面有各式各樣既小菜，睇落去好吸引，無論肉類或者蔬菜都應有盡有，價錢仲要好貼地，於是我哋就要左大約七至八個小菜拎返屋企慢慢嘆，來一個中式既Christmas party返到屋企打開小菜嘅時候仲係熱辣辣，完全唔需要翻熱，每一個小菜份量都好大，成個膠盒都裝到差不多滿，左下角嘅係南瓜蒸排骨，每一舊排骨都好腍，一咬落去已經骨肉分離，而南瓜就煮得更加腍，加上入晒味，用嚟撈飯一流右手邊嘅係蕃茄炒蛋，超級多蛋，而且十分滑溜，至於蕃茄係切成一粒粒，方便入口另外仲有梅菜蒸肉餅，肉餅蒸得好腍，啱晒小朋友同老人家食用，而且梅菜味好突出上面嘅係豉椒苦瓜炒魚柳，苦瓜一啲都
“We wish you a Merry Christmas
and a Happy New Year”
疫情關係好多人嘅生活都被打亂，就算到聖誕節街邊嘅氣氛都好似唔係咁好，不過我相信只要每個人都齊心對抗病毒，疫情終有一日會完結，而到聖誕節呢一日我同老婆就只係邀請幾個親戚上黎屋企打下機、食個飯
由於依家夜晚禁止堂食，所以唯有要買外賣。返屋企之前，我哋就係北角行緊街，之後見到有呢一間賣小菜既舖頭，俾裡面菜式嘅氣味吸引左埋去
裡面有各式各樣既小菜，睇落去好吸引，無論肉類或者蔬菜都應有盡有，價錢仲要好貼地，於是我哋就要左大約七至八個小菜拎返屋企慢慢嘆，來一個中式既Christmas party
返到屋企打開小菜嘅時候仲係熱辣辣，完全唔需要翻熱，每一個小菜份量都好大，成個膠盒都裝到差不多滿，左下角嘅係南瓜蒸排骨，每一舊排骨都好腍，一咬落去已經骨肉分離，而南瓜就煮得更加腍，加上入晒味，用嚟撈飯一流
右手邊嘅係蕃茄炒蛋，超級多蛋，而且十分滑溜，至於蕃茄係切成一粒粒，方便入口
另外仲有梅菜蒸肉餅，肉餅蒸得好腍，啱晒小朋友同老人家食用，而且梅菜味好突出
上面嘅係豉椒苦瓜炒魚柳，苦瓜一啲都唔苦，同豉椒、魚柳出奇地配合
最後仲有蔬菜，分別係炒四季豆同葡汁焗椰菜花，葡汁味道好香濃，淨係用黎撈飯都可以撈兩碗，配合埋煮得好腍嘅蔬菜，食完之後真係好飽
張貼
